نړیوال خبرونه

د راپورونو له مخې، د سومالیا په پلازمېنه موګادیشو کې د سمندر پر غاړه په یو وسله‌واله برید کې لږ تر لږه ۳۲ کسان وژل شوي او ۶۳ نور ټپیان دي.

د راپورونو له مخې، د لبنان حزب‌الله د اسرائیل په شمال کې د اصبع‌الجلیل پر لور لږ تر لږه ۵۰ توغندي توغولي دي.

د راپورونو له مخې، په تهران کې پر اسماعیل هنیه له برید وروسته او په منځني ختیڅ کې د احتمالي جګړې له وېرې ځينو هوایي شرکتونو اسرائیل او لبنان ته خپلې الوتنې ځنډولې دي.

د خیبر پښتونخوا په دیره اسماعیل خان کې د قاضیانو پر یوه موټر د ناپېژاندو وسله‌والو ‌ډزو کې د پاکستاني پولیسو دوه افسران وژل شوي دي.

راپورونه وايي، د امریکا او روسیې ترمنځ له سړې جګړې وروسته د بندیانو تر ټولو ستره تبادله ترسره شوې او په ټوله کې ۲۴ بندیان ازاد شوي دي.

راپورونه وایي چې د ملګرو ملتونو د امنیت شورا په غونډه کې ډېری غړو هېوادونو ایران کې د حماس سیاسي دفتر د مشر وژنه غندلې ده.

سیدعلي خامنه‌یي د ایران رهبر د دې ترڅنګ چې د اسماعیل هنیه غچ اخیستنه خپله دنده بولي، وایي، اسرائیل د هنیه په ترور سره ځان ته د سختو مجازاتو زمینه برابره کړه.

د ملګرو ملتونو سرمنشي، په تهران کې د حماس د سیاسي دفتر پر مشر اسماعیل هنیه او د بېروت په شمال کې وروستي هوایي بریدونه ګواښوونکې پېښې بللې دي.

د راپورنو له مخې، د سوډان پوځي مشر عبدالفتاح البرهان د بې‌پیلوټه الوتکې له بریده ژوندی وتلی خو پنځه کسان په دغه برید کې وژل شوي او ګڼ شمېر نور ټپیان دي.

حماس غورځنګ اعلان کړی چې د دغه غورځنګ د سیاسي دفتر مشر اسماعیل هنیه په تهران کې د هغه د اوسېدو پر ځای «د صهیونیستی دښمن په جنایتکارنه» برید کې ژوند له لاسه ورکړی دی.

د خیبر پښتونخوا په ډیره ‌اسماعیل ‌خان کې ناپېژانده وسله‌والو د ملګرو ملتونو د کارکوونکو پر موټر ډزې کړې دي خو چاته په کې زیان نه دی رسېدلی.

ایرنا راپور ورکړی چې د حماس د سیاسي دفتر رییس اسماعیل هنیه او یو ساتونکی یې په تهران کې د هغه د اوسېدو پر ځای د برید له امله وژل شوي.