احمدشاه عرفانیار

تېره اونۍ، ځینو سرچینو افغانستان کې پر بشري وضعیت اندېښنه څرګنده کړه، خو ا.ا بې‌ځایه وبللې، لندن له کابل سره ښو اړیکو ته لېوالتیا وښوده او له افغانستان سره ۲۶،۷ میلیون ډالره مرسته وشوه.

د چارو ځیني شنونکي وایي، د دوحې تړون د اوږدې جګړې او «اشغال» د پای ته رسېدو او له افغانستانه د بهرنیو ځواکونو د وتلو لامل شو، خو د دغه تړون ځینې برخې لا نه دي پلې شوې او افغانستان تر اوسه هغه سیاسي حل ته نه دی رسېدلی چې سيمه او نړۍ پرې تر یوه بریده اجماع لري.

د م.م د بشري مرستو همغږي‌کوونکی دفتر (اوچا) وايي، بريتانيا له اړو افغانانو سره د مرستې په موخه د افغانستان له بشردوستانه صندوق سره يو ميليون پونډ مرسته وکړه.

د افغانستان بانک سبا (پنجشنبه) د کب میاشتې په لسمه د داوطلبۍ له لارې ۱۷ میلیون امریکايي ډالر لیلاموي.

د راپورونو له مخې، د افريقا په الجزاير کې د نړۍ په کچه درېيم لوی او د افریقا په کچه تر ټولو لوی د «جامع الجزایر» په نوم جامع جومات پرانیستل شو.

د افغانستان بانک وايي، د تېر کال په پرتله د ډالر پر وړاندې د افغانۍ ارزښت ۱۵،۴۲ سلنه لوړ شوی او دغه راز یې تېرو ۱۱ میاشتو کې څه باندې ۴،۷ میليارد افغانيو په ارزښت مندرس بانک‌نوټونه سوځولي دي.

د کابل ښار د اوولسمې حوزې اړوند د مزار هډې ته څېرمه د ترافيکي پېښې له امله درېيو کسانو خپل ژوند له لاسه ورکړی او د نهه مېرمنو په ګډون ۱۴ نور ټپيان دي.

سبا د هېواد په ۲۱ ولایتونو کې له پنځو کلونو کم‌عمره ماشومانو لپاره د ګوزڼ واکسین کمپاین پیلېږي.

تېره اونۍ، د دوحې ناسته د م.م سرمنشي انتونیو ګوتریش ګټوره، خو ا.ا او روسیې ناکامه وبلله او ګوتریش هیله څرګنده کړه چې ا.ا راتلونکې کې په داسې غونډو کې برخه واخلي.

د پخواني ولسمشر محمداشرف غني ورور تایید کړه چې غني سعودي عربستان ته تللی او عمره یې ادا کړې ده.

د مونيخ ناستې په څنډه کې د ۱۲ هېوادونو بهرنیو چارو وزیرانو د ګډې اعلامیې په خپرولو په افغانستان کې پر بشري وضعیت اندېښنه ښودلې خو د ا.ا ویاند وایي، دا اندېښنې بې‌ځایه دي.

تېره اونۍ، بشکېک کې د افغانستان په اړه غونډه وشوه، سبا دوحه کې په دې تړاو ناسته کېږي، نړۍوال بانک له افغانستان سره ۳۰۰ میلیون ډالره مرسته اعلان کړه او وایي چې دغه هېواد کې د «کاسا زر» پروژه هم بېرته پیلوي.