رضوان الله بلال

د هلمند سیمه‌ییز مسوولین وایي، یونیسف د دغه ولایت په مرکز او ولسواليو کې له لومړي تر درېیم ټولګي پورې د ښوونځیو له ۷۶۰۰۰ زده‌کوونکو سره د قرطاسیې مرسته وکړه.

د هلمند د پوهني ریاست مسوولین وایي، د دغه ولایت یو شمېر ولسوالیو کې هیڅ ښوونځی نشته او په خبره یې چې د ښوونځیو او ښوونکو د کمښت له امله دغلته ۶۰ سلنه ماشومان له زده‌کړو بې‌برخې دي.

د هلمند له مرکز لښکرګاه ښاره ۳۵۰ کیلومتره لرې د دغه ولایت بهرامچې ولسوالۍ ته په لومړي ځل د یوه خصوصي شرکت له لوري د مسافرو د لېږد رالېږد په موخه د ټکسي خدمتونه پیل شول.

د هلمند ځایي مسوولین وایي چې د دغه ولایت مرافعه محکمې درېیو کسانو ته په عام محضر کې تعزيري سزا ورکړه.

د هلمند د کرنې ریاست مسوولین وایي، دغه ولایت کې د شیدو ورکوونکو غواګانو په ۷۳ فارمونو کې هره ورځ ۳۲ ټنه شيدي توليدېږي چې کندهار، نیمروز او فراه ولایتونو ته هم صادرېږي.

د هلمند د ګرشک ولسوالۍ په ترمه سیمه کې یوه ځوان د نجونو په ګډون ۳۰۰ ماشومانو ته تر درېیم ټولګي پورې په خپل کور کې د وړیا زده‌کړو زمینه برابره کړې خو اوس د ټولګیو او قرطاسیې له کمښت سره مخ دی.

د هلمند ولایت په ‎سنګین ولسوالۍ کې د اطلاعاتو او فرهنګ ریاست له خوا یو عامه کتابتون پرانیستل شو .

د هلمند ځایي مسوولین وايي، تېره ورځ ناوخته د دغه ولایت په سنګین ولسوالۍ کې د یوه سراچه موټر چپه‌‌کېدو له امله د یوې ښځې او ماشومانو په ګډون شپږ کسان مړه او دوه نور ټپیان شوي دي.

هلمند کې د نږدې ۱۸ میلیون افغانیو په لګښت د یوه جامع جومات او دوو نورو رغنیزو پروژو چارې پيل شوې.

د هلمند د کرنې ریاست مسوولین وایي، د دغه ولایت په يو شمېر ولسوالیو کې کروندګرو د ریحان «کشمالي» ګلانو کرنې ته مخه کړې چې د تېر کال په پرتله په‌کې د پام وړ ډېروالی راغلی دی.

په هلمند ولایت کې د ۱۷۷،۵ میلیونه افغانیو په لګښت د یوه پل او ۲۷،۵ کیلومتره سړک د جوړولو چارې پيل شوې.

د هلمند سیمه‌ییز مسوولین وایي، د جوازونو د ارزونې کمېټې له لوري په تېره یوه اونۍ کې ۱۲۴ صرافۍ د جواز نه‌لرلو له امله تړل شوې دي.