<p style="text-align: justify;">لښکرګاه (پژواک، ۳۰ لېندۍ ۱۴۰۳): هلمند کې ځایي مسوولین وایي چې د دغه ولایت د سنګین دوراهي سیمه کې د کابل – کندهار پر لویه لار د یوې ترافيکي پېښې له امله دوه کسان مړه او څلور نور ټپیان شوي دي.</p>
<p style="text-align: justify;">د هلمند د اطلاعاتو او کلتور رییس حافظ عبدالباري راشد پژواک خبري اژانس ته وویل چې نن غرمه مهال د دغه ولایت د سنګین دوراهي سیمه کې د کندهار - هرات پر لویه لار درېیو موټرو ټکر کړی چې په کې دوه کسان مړه او څلور نور ټپیان شوي دي.</p>
<p style="text-align: justify;">راشد زیاته کړه چې ټپیان د مسوولینو له لوري روغتون ته لېږدول شوي دي.</p>
<p style="text-align: justify;">سرچینې د مړه شوو او ټپیان د هویت او د موټرو د نوعیت په اړه معلومات ور نه کړل.</p>
<p style="text-align: justify;">دا په داسې حال کې ده چې وړمه شپه په غزني کې د دوو ترافیکي پېښو له امله لسګونو کسانو ته مرګژوبله واوښته او تېره ورځ پروان کې هم د یوې ترافیکي پېښې له امله یو شمېر کسانو ته مرګژوبله اوښتې وه.</p>
