شریفه سلطانی

د کرنې وزارت سرپرست په کابل کې د جاپان له سفیر سره په لیدنه کې افغانستان سره د کرنې برخه کې د دغه هېواد د مرستو د دوام غوښتنه وکړه او ویلي یې دي چې مرستې به په شفاف ډول مصرف شي.

د ټولنیزو شبکو یو شمېر کاروونکي او د طبي بوټو پلورونکي وایي چې له طبي بوټو استفاده کولای شي چې د رحم او تخمدان کیسټونه له منځه یوسي، خو ډاکټران وایي که څه هم طبي بوټي ځينو ناروغیو ته ګټور دي، خو نه شي کولای کیسټونه له منځه یوسي.

د افغانستان د پوهنې وزارت وايي، د هېواد په سړو سیمو کې د لومړنیو ښوونځیو کلنۍ ازموینې د روانې لړم میاشتې په ۲۶مه او د منځنیو او لېسو ازموینې د راروانې لېندۍ میاشتې په لومړۍ نېټه پیلېږي.

د جوګیانو قوم د ستونزو او اړتیاوو په اړه د پژواک خبري اژانس د راپور له خپرېدو وروسته د سرحدونو، قومونو او قبایلو چارو وزارت وايي چې د ا.ا د مشرتابه د فرمان له مخې په هېواد کې ټول جوګیان او جټان ثبتیږي.

د ملګرو ملتونو سازمان د وګړو صندوق حوزوي رییس د عامې روغتیا وزارت له سرپرست سره په لیدنه کې ویلي چې له افغانستان سره د روغتیا برخه کې خپلو همکاریو ته دوام ورکوي.

په چین کې د بې‌وزلۍ کمولو او د کرنې ودې په نړۍوال کنفرانس کې د هېواد د کرنې وزارت مرستیال په افغانستان کې د کرنې برخه کې د پانګونې غوښتنه کړې او ویلي دي: «که نړۍ غواړي بې‌وزلي کمه کړي، غوره ده چې له افغانستانه یې پیل کړي.»

د کډوالو او راستنېدونکو چارو وزارت وايي، نهه افغانان چې په پاکستان کې د قانوني اسنادو نه درلودو له امله بندیان شوي وو، خوشي او هېواد ته راستانه شول.

د احصایې او معلوماتو ملي اداره وايي چې تېره میاشت یې په ټول هېواد کې نږدې ۱۴۵ زره کسانو ته برېښنایي پېژندپاڼې وېشلې دي.

افغاني سرې میاشتې ټولنې ویلي، کابل ښار کې د سترګو د ناروغانو وړیا درملنه سبا پیلېږي او یوولس ورځې به دوام وکړي.

روغتیایي متخصصین په ماشومانو کې د سوري زړه ناروغي مورزادي ستونزه بولي ‎او له کورنیو غواړي چې که له زېږون وروسته په ماشوم کې د نفس‌تنګۍ، د نوکانو او شونډو شین‌والي، تبې او کمزورتیا نښې وویني، ژر تر ژره یې دې روغتون ته ولېږدوي.

د افغانستان د اسلامي امارت د رییس‌الوزراء سیاسي مرستیال مولوي عبدالکبیر د نبي کریم (ص) د زوکړې ورځې په مناسبت جوړه شوې غونډه کې له خلکو سره د مجاهدینو پر ښه چلند ټینګار کړی او له مسوولینو یې غوښتي څو‎ په خپلو کړنو کې نبوي اخلاق او اسلامي احکام په پام کې ولري.

د افغانستان د صنعت او سوداګرۍ وزارت وايي چې د روان کال په لومړیو پنځو میاشتو کې د ۶۶ میلیون ډالرو په ارزښت څه باندې ۵۲ زره ټنه پنبه له هېواده بهر صادره شوې ده.