عبدالرقیب سایل

د امریکا کالیفورنیا پوهنتون افغان استاد ډاکټر عالم خان د دولتي کارکوونکو له تنخواوو د تقاعد ګرځولو په اړه د اسلامي امارت پرېکړه پر ځای بولي او د راتلونکي لپاره نوې طرحه ورته وړاندې کوي.

د افغانستان ملي دفاع وزارت سرپرست د سیمې د یو شمېر هېوادونو له استازو سره لیدنه کې د افغانستان د پولو امنیت د تامین په اړه خبرې کړې، ویلي یې دي چې اسلامي امارت د پروژو د پیل او بشپړولو لپاره د امنیت او نورو هر ډول همکاریو تضمین کوي.

د کابل ښار لېسه‌مریم بازار کې د اور لګېدنې له امله دوکاندارانو ته مالي زیانونه اوښتي دي.

د ایران او پاکستان له لوري د یو بل پر خاورو له بریدونو وروسته، د پاکستان له هوایي حریمه د تېرېدونکو الوتکو کچه نږدې ۵۰ سلنه کمه شوې ده.

د بلوچستان په کیچ سیمه کې چاودنې د پاکستان پنځه پوځیان وژلي او دوه نور یې ټپیان کړي دي.

د افغانستان د مالیې وزارت وایي، خصوصي شرکتونو ته د هغو پروژو د شوي کار، تضمیناتو او تأمیناتو پیسې ورکوي چې تېر حکومت کې له اختیاري بودجې ترسره شوې دي.

چارواکو د کابل پوهنتون د محصلینو په فراغت‌غونډه کې پر ملي یوالي د ټینګار تر څنګ، دیني او عصري علوم سره تړلي وبلل، ویې ویل چې د اړتیاوو پوره کول وخت غواړي او ستونزې د یو بل په منلو حل کیږي.     

د زده‌کړو نړۍوال مشارکت شبکې (جي‌پي‎اي) اعلان کړی چې د افغان ماشومانو د زده‌کړو ملاتړ لپاره یې ۱۱۰ میلیونه ډالر ځانګړي کړي دي.

د کاناډا د کډوالو چارو وزارت وايي، په پاکستان او د منځنۍ اسیا هېوادونو کې یې د افغان کډوالو لاسنیوي په موخه ۲۱ میلیون امریکايي ډالر د کډوالۍ نړۍوال سازمان ته سپارلې دي.   

د سرحدونو، قومونو او قبایلو چارو سرپرست وزیر کابل کې له خلکو سره د همغږۍ په موخه جوړه شوې غونډه کې د ملي یووالي پر ساتلو ټینګار وکړ، ویې ویل چې د خلکو غوښتنو او ستونزو ته حل‌لارې پیدا کوي.

د هرات په تولیدي کارګاوو کې یو شمېر بوختې مېرمنې خپلو صنایعو ته د بازار له نشتوالي شکایت کوي او وایي چې د دې ستونزې له امله کوچنۍ سوداګرۍ له سقوط سره مخ دي.

د بهرنیو چارو وزارت سیاسي مرستیال وايي چې په هېواد کې د زده‌کړو دروازو تړلو امله ولس واټن نیولی او د شخصي خواهشاتو له مخې له علم سره مخالفت کول لویه جفا ده.