عبدالله عزیزي

د ملګرو ملتونو له نشه‌يي توکو او جرمونو سره د مبارزې دفتر (یو‌اېن‌اوډي‌سي) اعلان کړی چې میانمار په ۲۰۲۳ کال کې د تریاکو د تولید برخه کې له افغانستانه مخکې شوی او نړۍ کې د تریاکو پر ستر تولیدوونکي هېواد بدل شوی دی.

د ملګرو ملتونو د بشري مرستو همغږي‌کوونکي دفتر (اوچا) دې ته په اشارې چې افغانستان یو له هغو ‎پنځو هېوادونو دی چې ‎ډېرو بشري مرستو ته اړتیا لري، وايي چې په ۲۰۲۴ کال کې په ‎دغه هېواد کې د بشري مرستو لپاره درېیو میلیاردو ډالرو ته اړتیا ده.

د اسلامي همکاریو سازمان د ښځو د حقونو فعالې او د افغانستان د بشري حقونو کمېسیون پخوانۍ غړې اصیلا وردګ ته د «بشري حقونو» جایزه ورکړه.

د افغانستان لپاره د بریتانیا سفارت اعلان کړی چې افغانستان کې یې د ماین‌پاکۍ لپاره ۵،۵ میلیون پونډ مرسته کړې ده.

د ملګرو ملتونو د بشردوستانه مرستو همغږي کوونکې ادارې یا اوچا اعلان کړی چې ایسلنډ هېواد د افغانستان له بشري صندوق سره ۴۰ میلیون کرون مرسته کړې ده.

د پاکستان پولیسو اعلان کړی چې پېښور ښار کې د چاودنې له امله د څلورو ماشومانو په ګډون پنځه کسان ټپيان شوي دي.

. . .

اروپایي ټولنې اعلان کړی چې د هرات زلزله‌ځپلو لپاره یې ۵۸ ټنه مرسته کابل ته رسېدلې ده.

کابل ښاروالي وایي چې ۵۰ زره و ۶۰ کیلوګرامه د چرګانو خوسا شوې غوښه یې د کابل ښار د ۹ ناحیې اړوند سیمه کې په یوه ګدام کې کشف کړې او له منځه وړې ده.

د رسنیو د راپور پر اساس، په تېرو دوو ورځو کې د هند ګجرات ایالت کې د تندر لوېدو له امله ۲۴ کسان مړه او ۲۳ نور ټپیان شوي دي.

د هرات د دوه ورځنۍ امنیتي ناستې یوولسمه غونډه د «افغانستان ته بیا کتنه؛ بېلابېلې تګلارې» تر سرلیک لاندې د تاجکستان په پلازمېنه دوشنبه کې پیل شوه.

د خوړو نړۍ‌وال پروګرام په راروان ژمي کې له پاکستانه د راایستل شوو کډوالو پر وضعیت د اندېښنې ښودلو ترڅنګ اعلان کړی چې هغوی سره د مرستې لپاره ۲۷،۵ میلیون ډالرو ته اړتیا لري.