نورالله ځاځی

د کلیو د بیارغونې او پراختیا وزارت وایي، کندوز کې د څه باندې ۹۰ زره امریکایي ډالرو په لګښت د اوبو رسولو یوې شبکې چارې بشپړې او په نورستان کې بیا د یوه سړک جوړولو چارې پیل شوې.

کابل ښاروالي وايي، د کابل ښار په اوولسمه ناحیه کې د ۴۴ میلیون افغانیو په لګښت د فرعي سړکونو جوړولو شپږو پروژو چارې بشپړې شوې.

د ریاست‌الوزراء اقتصادي معاونیت د افغانستان د اقتصادي وضعیت په اړه د نړۍوال بانک موندنې له عیني واقعیتونو لرې بللې او ويلي یې دي، غوره ده چې نړۍواله ټولنه د حقایقو په واقعي درک سره له افغان حکومت سره مثبت تعامل ته مخه کړي.

د افغانستان برېښنا شرکت وايي چې له ترکمنستان سره یې د وارداتي برېښنا تړون د ۲۰۲۵ زېږدیز کال لپاره تمدید کړ.

په پاکستان کې د قرغزستان سفیر او اسلام‌اباد کې د اسلامي امارت د سفارت سرپرست د افغانستان او منځنۍ اسیا هېوادونو په ځانګړې توګه، د قرغزستان ترمنځ د دوه اړخیزو او تاریخي اړیکو، مشترکاتو، فرصتونو او ننګونو په اړه خبرې کړې دي.

د بښنې نړۍوال سازمان ویلي، اسرائیل په غزه کې له فلسطینیانو سره ناوړه او غیر انساني چلند کوي او هيڅ د بشري حقونو او انساني کرامت درناوی نه ساتي.

وروسته له هغه چې د فرانسې له پارلمانه لومړي‌وزیر میشل بارنیه د باور رایې ترلاسه نه کړې، د دغه هېواد ولسمشر وايي، راتلونکو ورځو کې به د خپل هېواد لپاره نوی لومړی‌وزیر وټاکي.

د فراه ولایت د ابونصر فراهي ګمرک کې د ۳۹ میلیون افغانیو په لګښت دوه هنګرونه جوړ او ګټې اخیستنې ته وسپارل شول او په کاپیسا کې بیا د څلورو رغنیزو پروژو چارې پيل شوې.

د شهیدانو او معلولینو چارو وزارت د معلولینو نړیوالې ورځې په مناسبت ویلي چې دغه وزارت د افغاستان په کچه ۱۸۹ زره او ۶۳۵ معلولین ثبت کړي دي.

د عامې روغتیا وزارت سرپرست په یوه نړۍوال روغتیايي کنفرانس کې د ګډون او د روغتیا برخه کې د دوه اړخیزو همکاریو د لا غښتلتیا په موخه چین ته تللی دی.

د افغانستان د کانونو او پټرولیم وزارت سرپرست بدخشان ولایت ته د د خپل سفر په ترڅ کې د کاني توکو د قاچاق پر مخنیوي د ټینګار ترڅنګ ویلي چې هېچاته به په غیرقانوني توګه د کانونو د کېندلو اجازه ور نه کړي.

کابل کې د قطر سفارت سلاکار وايي، هېواد یې چمتو دی چې د دوه اړخيزه تړون په رڼا کې د افغانستان د ګڼو کلتوري او تاریخي ابداتو او مرکزونو په پیاوړتیا او جوړونه کې مهم رول ولري.