نورالله ځاځی

د افغانستان ملي دفاع وزارت په ازبکستان کې د امریکا سفیر د وروستیو څرګندونو غبرګون کې ویلي چې په ازبکستان کې د افغانستان اړوند الوتکو او چورلکو د برخلیک په اړه هر ډول معامله د منلو وړ نه ده.

د اقتصادي کمېسیون تخنیکي کمېټې د تازه پرېکړې له مخې، کارګو شرکتونه له ۴۶ کیلوګرامه کم او پوستي خدماتي شرکتونه له ۴۶ کیلوګرامه ډېر توکي نه شي انتقالولی.

د ترانسپورټ او هوایي چلند وزارت مسوولین وایي چې په تېر یوه کال کې د افغانستان له فضا څه باندې ۴۰ زره عبوري الوتنې ترسره شوې او په وروستیو دوو میاشتو کې د دغو الوتنو شمېر ډېر شوی دی.

د نوي فرمان له مخې، د ا.ا له ویاند او د وزارتونو او نورو ادارو له وياندويانو پرته هيڅوک نه شي کولای د افغانستان اسلامي امارت له ادرسه نشرات او څرګندونې وکړي.

د ملګرو ملتونو د مرستندوی دفتر (یوناما) مشره کندهار ته په خپل سفر کې ویلي، تېر کال د بېلابېلو ادارو پر مټ ۲۶ میلیون افغانانو ته بشري مرستې رسول ‌شوې او په وینا یې، هڅه کوي په راتلونکي کې د افغانستان لپاره بودجه ډېره کړي.

په کابل کې د قطر سفارت مستشار د ریاست‌الوزراء له سیاسي مرستیال سره په لیدنه کې ویلي، هېواد به یې یو شمېر افغان ځوانانو ته د بانکدارۍ په برخه کې د ظرفیت لوړنې لنډمهاله زده‌کړې برابرې کړي او هڅه کوي چې د کابل او دوحې ترمنځ مستقیم پروازونه هم پیل شي.

د افغانستان د مالیې وزارت وایي، د تورخم په ګمرک کې ۲۰۲ ټوکه جعلي نکاح خطونه، اته کورني او بهرني د موټر چلولو جعلي لایسنسونه او ۵۶  کورني بېلابېل نښانونه، چې په یوه وارداتي سوداګریزه محموله کې ځای پر ځای شوي وو، کشف او ترلاسه شوي دي.

د افغانستان بانک وایي چې سبا (دوشنبه) د دواطلبۍ له لارې ۱۵ میلیونه امریکایي ډالر لیلاموي.

د رياست‌الوزراء سیاسي مرستیال وایي، اسلامي امارت هڅه کوي پر ښاري پراختیا سربېره داسې لارې چارې ومومي چې کاروباریان ورسره زیانمن نه‌شي.

د اطلاعاتو او فرهنګ وزارت وایي، رسنۍ باید د اسلامي امارت پالیسي مراعات کړي او نشراتو کې د اشخاصو شخصي حریم ته درناوی وکړي.

د افغانستان بانک لومړي مرستیال د افغانستان او امریکا د سوداګرۍ خونې له رییس سره د خصوصي سکټور د پیاوړتیا، د سوداګرۍ د ودې او د بانکي سکټور د ټینګښت برخو کې د ګډو همکاریو په اړه خبرې کړې دي.

د ترانسپورټ او هوایي چلند وزارت وایي چې پخوا په هرو ۲۴ ساعتونو کې د افغانستان له فضا تر ۱۱۰ پورې عبوري الوتنې ترسره کېدې، خو اوس یې شمېر ۲۶۰ ته رسېدلی دی.