د احصایې او معلوماتو ملي اداره وايي چې د روان لمریز کال په تېره غبرګولي میاشت کې د ۹۰۰،۹ میلیون ډالرو په ارزښت واردات او د ۹۳،۳ میلیون ډالرو په ارزښت صادرات شوي دي.
د ریاستالوزراء سیاسي مرستیال وايي، ا.ا د لوړو زدهکړو بنسټونو ته د اړتیا وړ بودجه په واک کې ورکړې او د هېواد پوهنتونونه او تحصیلي ادارې به په اساسي ډول ورغول شي.
د پاسپورټ ریاست له خوا په کابل ښار کې د پاسپورټ وېش درې نورې څانګې پرانیستل شوې او خلک د یاد ریاست دغه اقدام ستایي.
د کابل ښاروالي وايي چې د کابل – جلالاباد سړک د لومړۍ برخې پراخولو او جوړولو چارې د مکروریانو له څلورلارې تر پکتیاکوټ پورې د څه باندې ۶۸۰ میلیون افغانیو په لګښت پیل شوې.
د افغانستان بهرنیو چارو وزارت سرپرست د تېر حکومت له یو شمېر والیانو سره په لیدنه کې پر ټولو بهرمېشتو افغانانوغږ کړی چې خپل هېواد ته راستانه شي او دلته دې د «عزت او سکونت» ژوند تېر کړي.
د پاسپورټ عمومي ریاست وايي، د پاسپورټونو د وېش برخه کې د موجوده ظرفیت لوړولو په موخه سبا د کابل ښار په دارالامان، قلعهزمان خان او تنګي ترهخېل ساحو کې د پاسپورټ د وېش درې نوې څانګې پرانیزي.
رسنیو راپور ورکړی چې د خیبر پښتونخوا په بنو کې وسلهوالو پر یوه پوځي مرکز برید کړی چې په کې درې پاکستاني پوځیان وژل شوي او شاوخوا ۵۰ تنه ټپیان دي.
د افغانستان د بهرنیو چارو وزارت سرپرست د وزارتونو له ویاندویانو سره په غونډه کې ویلي، ویاندویان باید خپل فکر او جذبه د پالیسۍ تابع کړي، نه دا چي پالیسي د فکر او جذبې تابع وګرځوي.
د کلیو پراختیا او بیارغونې وزارت وايي چې په هلمند او میدانوردګو کې د څه باندې ۹،۶ میلیون افغانیو په لګښت د اوبو رسولو د دوو سولري شبکو جوړولو چارې پیل شوې.
په کابل کې د چین سفیر د اقتصاد وزارت له سرپرست سره په لیدنه کې له ګاونډیو هېوادونو د راستنېدونکو افغان کډوالو د ستونزو د حل په موخه د سل میلیون چینایي یوانو مرستې ژمنه وکړه.
د ریاستالوزراء اقتصادي مرستیال وايي، د ا.ا د مشرتابه د حکم له مخې، د کابل په ګډون د هېواد په شپږو ولایتونو کې پر نړۍوالو معیارونو برابر د صادراتو د پروسس زونونه جوړیږي.
د رياستالوزراء سیاسي مرستیال وايي، ګاونډي هېوادونه دې له افغان کډوالو سره له ناوړه چلند ډډه وکړي او هغوی ته دې لازمې اسانتیاوې برابرې کړي.
