اجمل وصال

د پوهنې وزارت سرپرست اروزګان ته په سفر کې ویلي، دغه ولایت د پوهنې برخه کې له پامه غورځول شوی او په خبره یې، د یو شمېر همکارو ادارو په مرسته به یې ښوونځيو ته ودانۍ جوړې کړي.

اروزګان ولایت کې د اتو لوبډلو ترمنځ د فوټبال غوره‌ لیګ سیالۍ پیل شوې چې یوه میاشت به دوام وکړي.

ځایي مسوولین وایي، تېرو څه باندې دوو کلونو کې د اروزګان په مرکز او ولسوالیو کې لس زره جریب دولتي ځمکه له غصب څخه خلاصه شوې ده.

د اروزګان امنیې قومانداني مسوولین وايي، د دغه ولایت په چنارتو او ګېزاب ولسوالیو کې څه باندې ۵۰ زره کیلوګرامه ومان له کشف وروسته له منځه وړل شوي او د کلاشینکوف زر مرمۍ هم ترلاسه شوې دي.

د اروزګان په ولایتي روغتون کې نن د عامې روغتیا وزارت له لوري د «هیموډیالیز» څانګه پرانیستل شوه او فعالیت یې پیل کړ.

اروزګان ولایت کې بېرته راستانه شوي یو شمېر کډوال وايي، سرپناوې نه لري او له حکومته غوښتنه کوي چې د کورونو جوړولو برخه کې مرسته ورسره وکړي.

د اروزګان ولایت په مرکز ترینکوټ او ولسوالیو کې ۱۷ زره کروندګرو ته د غنمو اصلاح شوي تخم او کېمیاوي سرې د وېشلو لړۍ پیل شوه.

نن سهار د اروزګان په ګېزاب ولسوالۍ کې له یوه پله د موټر لوېدو پېښه کې اته کسان مړه شوي او یو نادرکه دی.

د اروزګان د مرکز ترینکوټ ښار او ګېزاب ولسوالي ترمنځ د غځېدلي سړک د خرابوالي په اړه د پژواک راپور له خپرېدو وروسته اوس د دې لارې د یوې برخې جوړولو چارې پیل شوې.

اروزګان کې د اتو لوبډلو ترمنځ د فوټبال سیالۍ چې یوه میاشت وړاندې پیل شوې وې، د ترینکوټ ښاروالۍ لوبډلې په بریا پای ته ورسېدې.

د اروزګان د عامې روغتیا ریاست مسوولین وايي، د دغه ولایت په مرکز او ولسوالیو کې د ودانیو د کمښت له امله ۶۰ روغتیایي مرکزونه په کرایي کورونو کې فعالیت کوي.

د اروزګان ځايي مسوولین وايي، تېرو دوو ورځو کې د دغه ولایت په مرکز ترینکوټ او دهراوود ولسوالۍ کې څه‌کم ۱۱ زره کیلوګرامه ومان کشف او له منځه وړي دي.