احمدصهیب حسرت

د راپورونو له مخې، اسرائیل د لبنان پر سوېلي برخو تازه بریدونه کړي چې له امله یې درېیو کسانو ژوند له لاسه ورکړی او پنځه نور ټپيان شوي دي.

د افغاني سرې میاشتې مشر د ای‌سي‎ارسي نړۍوالې کمېټې له عمومي مشر سره په ليدنه کې ویلي، افغانان تازه له ناامنیو راوتلي، اوس نړۍوالو خیریه ټولنو ته تر بل هر وخت ښه فرصت دی څو د هغوی لاسنیوی وکړي.

امنیت شورا کې داعش د افغانستان، سیمې او نورو هېوادونو لپاره ګواښ بلل شوی، چین د منځنۍ اسیا او شانګهای له غړو هېوادونو غوښتي چې له افغانستان سره د امنیتي ستونزو پر وړاندې مبارزه کې همکاري وکړي او روسیې هم ویلي چې د افغانستان وضعیت باید له پامه ونه غورځول شي.

د راپورونو له مخې، د فرانسې شمالي ساحل کې بریتانیا ته د تلونکو دوو افغان کډوالو مړي موندل شوي؛ د دې پېښې په تړاو شپږ کسان نیول شوي چې افغانان هم په کې شامل دي.

حماس وایي، په غزه کې یې د اسرائیلي بندیانو خوشي کول د اوربند له شرایطو د سرغړونو له امله ځنډولي، خو ډونالډ ټرمپ ویلي، که دا بندیان خوشي نه شي، د غزې ‌اوربند د لغوې وړاندیز به وکړي.

د ټرمپ د حکومت د اصلاحاتو پروسې مشر ایلان ماسک د ازادي او امریکا غږ راډیوګانو بندېدو غوښتنه کړې او وایي چې نور دې رسنیو ته څوک غوږ نه نیسي او هر کال د امریکایي مالیه‌ورکوونکو یو میلیارد ډالر بېځایه لګېږي.

د امریکا ولسمشر ډونالډ ټرمپ یو ځل بیا د غزې پر نیولو او مالکیت ټینګار کړی خو حماس د یادو څرګندونو په غبرګون کې ویلي چې «غزه د پلور لپاره نه ده» او فلسطینیان به اجازه ور نه کړي چې پر خاوره یې معامله وشي.

کابینې په خپله وروستۍ ناسته کې په ننګرهار کې د سوداګرو او د هېواد لرو پرتو سیمو کې د امنیتي ځواکونو ستونزو ته د رسېدنې په موخه د اړینو اقداماتو سپارښتنه کړې ده.

اسلامي امارت وایي، د حماس غورځنګ مشرانو د اسرئیلو پر وړاندې د خپل نه ستړي‌کېدونکي مقاومت یو داسې میراث پرېښود چې د نسلونو لپاره به د عزت، زړورتیا، مقاومت او د فلسطین د خپلواکۍ مبارزې ته د نه ماتېدونکې ژمنتیا یو مثال وي.

سیګار په یوه تازه راپور کې ادعا کړې چې په افغانستان کې ځینې بهرنۍ ډلې فعالیت لري خو ا.ا دغه څرګندونې ردوي او وایي چې په افغانستان کې هيڅ بهرنۍ ډله شتون نه لري.

د کاناډا لومړي وزیر ویلي چې د امریکا له لوري د سوداګریزو تعرفو وضع کېدو په صورت کې به دغه هېواد بېړنی او قاطعانه غبرګون وښيي.

سپینه ماڼۍ وايي، د امریکا ولسمشر ډونالډ ټرمپ به سر له ننه (شنبې) د مکسیکو او کاناډا پر واردېدونکو توکو ۲۵ سلنه او پر چینایي توکو لس سلنه تعرفې ولګوي.