احمدفرزام

بدخشان کې د امو په نوم یوې سیمه‌ییزې راډیو د ارشیف چت لوېدو له امله د راډیو یو شمېر تخنیکي تجهیزات او وسایل خراب شوي او له کاره لوېدلي دي.

بدخشان کې ځايي مسوولین وايي چې تېره شپه د دغه ولایت د مرکز په مربوطاتو کې د سخت باران او سېلاب راتلو له امله د یوې کورنۍ ۱۰ غړي مړه شوي دي.

بدخشان کې ځايي مسوولین وايي چې د دغه ولایت په ارغستان ولسوالۍ کې د غرښویېدنې له امله ۱۵ کورونه په بشپړ ډول ویجاړ شوي او ۲۶ نور له ګواښ سره مخ دي، خو چا ته په‌کې مرګ‌ژوبله نه ده اوښتې.

اووه چیني ګرځندویان چې د په زړه‌پورو ځایونو لیدو په موخه یې بدخشان ولایت ته سفر کړی، د مسوولینو او خلکو له چلند او د امنیت له ټینګښته خوښي څرګندوي.

بدخشان کې ځايي مسوولین وايي، د دغه ولایت د ارغنجخواه ولسوالۍ په مربوطاتو کې د سېلابونو راوتلو له امله د فیض‌اباد – بهارک لویه لار د ترافیکو پر مخ تړل شوې ده.

د عامې روغتیا سرپرست وزیر بدخشان ته د سفر پر مهال په دغه ولایت کې د ساین یا ماتو هډوکو درملنې پروګرام پرانیسته کې ټینګار وکړ، هڅه دې وشي څو د دغه ولایت لرو پرتو سیمو ته معیاري روغتیايي خدمتونه ورسېږي.

د بدخشان ځایي مسوولین وایي چې د دغه ولایت په ارګو ولسوالۍ کې رامنځته شوې ستونزه په بشپړ ډول هواره شوې او د دغه ولایت مرکز او ولسوالیو د کوکنارو د اړولو عملیات په جدي ډول دوام لري.

ځايي سرچینې وايي، لومړنۍ شمېرې ښيي چې د تخار او بدخشان په څو ولسوالیو کې د سېلابونو راوتلو له امله د مالي زیانونو ترڅنګ، ۲۳ کسانو خپل ژوند له لاسه ورکړی، ۱۴ کسان ټپیان شوي او یو شمېر نور لادرکه دي.

د بدخشان په مرکز فیض‌اباد ښار کې د «عالیست، افغانیست» په نوم د سیمه‌ییزو محصولاتو او لاسي صنایعو نندارتون جوړ شو.

کورنیو چارو وزارت وايي چې د بدخشان په مرکز فیض‌اباد ښار کې د چاودنې له امله درې پولیس سرتېري وژل شوي او پنځه نور ټپیان دي.

بدخشان کې امنیتي سرچینې وايي چې د دغه ولایت په شهربزرګ ولسوالۍ کې د یوې ترافیکي پېښې له امله د یوې ښځې او یوه ماشوم په ګډون پنځه کسان مړه او درې نور ټپیان شوي دي.

د بدخشان د والي ویاند وايي چې د دغه ولایت د درایم او ارګو ولسوالیو له معترضینو سره په لیدنه کې هوکړې ته رسيدلي او رامنځته شوې ستونزه هواره شوې ده.