فرید تنها

د ریاست الوزرا سیاسي مرستیال کاپیسا ولایت کې یوې ولسي غونډې ته ویلي، پخواني چارواکي او مسوولین کولای شي هېواد ته راستانه شي او د هغوي د راتګ پر وړاندې ستونزه نشته.

د کاپیسا تګاب ولسوالۍ کې د تېلو یوه پمپ کې د ګازډبې چاودنې او له دې امله رامنځته شوې اورلګېدنه کې ۱۷ کسان ټپیان شوي دي.

د پروان امنیه قومانداني وایي، په دغه ولایت کې د درېیو ترافیکي پېښو له امله یو تن مړ شوی او ۱۹ نور ټپیان دي.

د پروان ولایت د شینوارو ولسوالۍ په کفشان دره کې شاوخوا ۵۰۰ کسان پر یوې «ناپېژندل» شوې ساري ناروغۍ اخته شوي چې له امله یې دوه کسان مړه شوي هم دي.

د پروان ځايي مسوولین وايي، د دغه ولایت په سالنګ ولسوالۍ کې د دوه سوه زره امریکايي ډالرو په لګښت د شپږ کیلومتره سړک جوړولو چارې بشپړې او ګټې اخیستنې ته وسپارل شو.

پروان کې د طبیعي پېښو پر وړاندې د مبارزې او چمتووالي ریاست وايي، په دغه ولایت کې د وروستیو سېلابونو له امله ۴۰ استوګنیز کورونه، ۶۵۶ جریب کرنیزه ځمکه، یو کیلومتر سړک او پنځه سربندونه او کانالونه ویجاړ شوي دي.

د کاپیسا امنیه قومانداني وايي، په تېر یوه کال کې یې په دغه ولایت کې ۳۸۹ قضیو ته رسېدنه کړې، د نشه‌یي توکو ۱۱۱ جریب کښتونه یې له منځه وړي، ۵۵۰ روږدي یې روغتونونو ته معرفي کړي او دغه راز ۱۱۱ میلیون افغانۍ عواید یې هم راټول کړي دي.

د پروان امنیه قومانداني وایي، پولیسو د دغه ولایت په جبل‌السراج ولسوالۍ کې د عملیاتو پر مهال، یوه دهشکه، یو زیکویک، دوه میله سپکې وسلې او یوه اندازه مهمات نیولي دي.

د پروان امنیه قومانداني وایي، په دغه ولایت کې یې د انسان تښتوونکو هغه درې کسیزه ډله نیولې چې له هېواده بهر به یې د هېوادوالو د تښتولو او شکنجه کولو له لارې د هغوی له کورنیو څخه د پیسو غوښتنه کوله.

د پروان امنیه قومانداني وایي، د دغه ولایت په مرکز چاریکار ښار کې د ترافیکي پېښې له امله درېیو کسانو خپل ژوند له لاسه ورکړی او شپږ تنه نور ټپیان شوي دي.

د کابل یو اوسېدونکی ۲۳ کلن ځوان چې له خپلو ملګرو سره کاپیسا ته تللی و، د دغه ولایت په ګلبهار سیمه کې په سیند کې د لامبو پر مهال ډوب او مړ شوی دی.

د پروان د سیاه‌ګرد ولسوال وايي چې د دې ولسوالۍ د تنګ قمچاق له درې د بغلان ولایت د دوشي ولسوالۍ تر وروستۍ سیمې پورې پنځوس کیلومتره سړک د خلکو او حکومت په مرسته جوړیږي.