نسرین سیدی

غور ولایت کې د وروستيو سېلابونو له امله زيانمنې شوې کورنۍ وايي، د خوراکي او غیرخوراکي توکو مرستې یې ترلاسه کړې خو حکومت او مرستندويه ادارې باید د سرپناه برابرولو برخه کې مرسته ورسره وکړي.

د ریاست‌الوزراء اقتصادي مرستیال ملا عبدالغني برادر د وضعیت څېړنې او د وروستیو سېلابو له زیانمنو سره د مرستې لپاره غور ولایت ته سفر کړی او ټاکل شوې د دغه ولایت له سېلاب‌ځپلو او بېلابېلو قشرونو سره لیدنې او خبرې اترې وکړي.

د غور د اطلاعاتو او فرهنګ رییس وايي، له کابله دغه ولایت ته د جام مناز وضعیت ارزونې په موخه د راغلي پلاوي له څېړنو وروسته پرېکړه شوې چې ډېر ژر به د دغه منار د بیارغونې او تحکیم‌‌ چارې پیل شي.

د غور امنیتي مسوولین وايي، د دغه ولایت په تېوره ولسوالي کې یوه زوم خپل خسر د چاقو په ګوزارونو وژلی دی.

د غور امنیه قومانداني خبر ورکوي چې د دغه ولایت په بېلابېلو سیمو کې د نشه‌یي توکو د تولید ۲۰ کارخونې یې له‌منځه وړې دي.

د غور د اطلاعاتو او فرهنګ ریاست وایي چې وروستیو سېلابونو د ډېرو مالي او ځاني زیانونو اړولو ترڅنګ، جام تاریخي منار ته هم ډېر زیان اړولی او له مرکزي حکومت او نړۍوالو بنسټونو یې غوښتي چې د هغه ساتنې لپاره اقدام وکړي.

غور کې ځايي سرچینې وایي چې د تېرې شپې سېلابونو له امله د دغه ولایت په مرکز او ولسوالیو کې د ښځو او ماشومانو په ګډون ۵۰ کسان مړه شوي دي.

غور کې امنیتي مسوولین وايي چې په دغه ولایت کې د هریرود سیند ته د یوه فلانکوچ موټر لوېدو له امله دوه کسان مړه شوي او یو بل ژغورل شوی دی.

د غور امنیه قومانداني وايي چې د دغه ولایت په مرغاب ولسوالۍ کې یو ځوان له غره لوېدلی او مړ شوی دی.

په غور ولایت کې ځايي سرچینې وايي چې د دغه ولایت په چهارسدې ولسوالۍ کې د تندر پرېوتو له امله ۱۶۰ پسونه تلف شوي دي.

ځايي مسوولین وايي، د اروزګان – کندهار او غور – فاریاب ولایتونو لویې لارې د سیلابونو راوتو له امله د هر ډول تګ – راتګ پر مخ تړل شوې دي.

مسوولینو د اختر په مناسبت د غور له زندانه د ۹ ښځو په ګډون د ۵۰ زندانیانو خوشي کېدو خبر ورکړی دی.