نورالله ځاځی

د ریاست‌الوزراء اقتصادي معاونیت وايي، سرپل ولایت کې د ښاروالۍ پر ځمکه د خصوصي سکټور د شاوخوا ۹۶ میلیون افغانیو په پانګونې سره پنځه پوړیز سوداګریز مارکېټ جوړېږي.

د ناروې د کډوالو شورا وایي، د مرستو کمښت به افغانستان کې بشردوستانه خدمات محدود او میلیونونه خلک زیانمن کړي خو دغه شورا له بې‌ځایه شوو ښځو، نارینه‌‌وو او ماشومانو سره د مرستو په موخه افغانستان کې پاتې کېږي.  

د ا.ا کابینې ټولو ادارو ته سپارښتنه کړې چې د لویو او وړو پروژو لپاره دې د کسانو د استخدام برخه کې د کار او ټولنیزو چارو له وزارت سره همغږي ولري او په ګومارنو کې دې د هېواد دننه خلکو ته لومړیتوب ورکړي.

اسلامي امارت د ایران بهرنیو چارو د وزیر د وروستیو څرګندونو هرکلی کړی او وايي، دا څرګندونې په اصل کې د افغانستان د شته واقعیتونو د سم درک په معنا دي.

د لوړو زده‌کړو وزارت وايي، د اسلامي امارت مشرتابه د حکم له مخې، د غزني پوهنتون په چوکاټ کې د طب پوهنځی منظور شو.

ټولګټو وزارت وایي چې تېره کب میاشت د افغانستان د څلورو بندرونو د اوسپنې پټلیو له لارې ۳۵۸ زره او ۸۵ مټریک ټنه توکي انتقال شوي دي.

د ریاست‌الوزراء اقتصادي معاونیت وايي، د کرنې وزارت تېر لمریز کال په لسو ولایتونو کې د شاوخوا ۱۳۴ میلیون افغانیو په لګښت ۵۸ لوی او واړه چک‌ډيمونه جوړ کړي دي.

د راپورونو له مخې، اسرائیلو تېره ورځ په غزه کې پر یوه روغتون هوايي برید کړی چې په پایله کې د حماس غورځنګ د سیاسي دفتر د یوه غړي په ګډون پنځو کسانو ژوند له لاسه ورکړی.

د افغانستان د بهرنیو چارو وزارت سرپرست د پاکستان له ځانګړي استازي سره په لیدنه کې ویلي چې په ترانزیټي لارو او تجارتي برخو کې خنډونه د هيڅ لوري په ګټه نه دي او په کار ده چې مسایل یو له یو بل سره ونه تړل شي.

د اسلامي امارت ویاند وايي چې د افغانستان لپاره د پاکستان د ځانګړي استازي محمدصادق خان په مشرۍ یو پلاوی کابل ته راغلی دی.

د کورنیو چارو وزارت وایي، امنیتي ځواکونو ننګرهار کې یو اته کلن ماشوم د انسان تښتوونکو له منګولو ژغورلی او خپلې کورنۍ ته یې سپارلی دی.

د افغانستان د بهرنیو چارو وزارت سرپرست د امریکا له یوه پلاوي سره په لیدنه کې ویلي، دا مهمه ده چې دواړه هېوادونه پر دې وتوانېږي چې مسئلې د خبرو له لارې حل کړي.