اروزګان

اروزګان کې یو شمېر کروندګر روانې وچکالۍ اندېښمن کړي او وايي، که اورښتونه ونه شي فصلونه یې وچېږي او له حکومته غواړي چې د دغه ولایت په چنارتو ولسوالۍ کې د اغاجان په نوم د اوبو بند جوړ کړي.

ترینکوټ ښار کې پولیسو د غلا شوو موټرسایکلونو د بڼې بدلولو ځای کشف کړی او په تړاو یې دوه کسان نیولي دي.

د اروزګان چارواکو دغه ولایت کې د ټولو کورنیو او بهرنیو موسسو استازو ته سپارښتنه کړې چې له دې وروسته دې د عامه پوهاوي پروژې نه پلې کوي.

د اروزګان امنیتي مسوولین وايي چې د دغه ولایت په ګیزاب ولسوالۍ کې یو ځوان په ډزو وژل شوی دی.

د اروزګان په ګېزاب ولسوالۍ کې د یوې سرګلولې چاودنې له امله یو ماشوم وژل شوی او د یوه ماشوم په ګډون دوه کسان ټپیان شوي دي.

د اروزګان امنیتي مسوولین وایي چې د دغه ولایت په ګېزاب ولسوالۍ د وسلو او مهماتو یوه زېرمه کشف او ترلاسه شوې ده.

ځایي مسوولین وایي، د اروزګان په ګېزاب ولسوالۍ کې د دوو قومونو ترمنځ د ځمکې پر سر رامنځته شوې دېرش کلنه شخړه په سوله‌ییزه توګه هواره شوه.

د اروزګان ولایت امنیه قومانداني وايي، د دغه ولایت په چنارتو ولسوالۍ کې د یوه موټر چپه کېدو له امله د یوې کورنۍ شپږ غړو ته مرګ‌ژوبله اوښتې ده.

د اروزګان امنیتي سرچينې وايي، تېره شپه د دغه ولایت په ګېزاب ولسوالۍ کې یوه ځوان چې پر نشه‌یي توکو روږدی و، ځان‌وژنه کړې ده.

ځايي مسوولین وایي چې د لغمان ولایت الیشنګ ولسوالۍ او د اروزګان ولایت مرکز ترینکوټ کې په دوو ترافیکي پېښو کې څلور کسان مړه شوي او څلور نور ټپیان دي.

د اروزګان امنیتي مسوولین وایي چې د بېلابېلو جرمنو په تور يې ۲۱ کسان نیولي دي.

سیمه‌ییز مسوولین وایي، په غور ولایت کې له څه باندې ۲۷۰۰ کورنیو سره د خوراکي توکو او په اروزګان ولایت کې له زرو مالدارانو سره د حیواني خوړو مرسته وشوه.