د افغانستان د کانونو او پټرولیم وزارت سرپرست د کندهار د «درهنور» سیمې د مرمر ډبرو کان د استخراج، پروسس او اکتشاف تړون له یوه ترکي شرکت سره لاسلیک کړ او دغه شرکت به په دې پروژه کې څه باندې ۶ میلیون او ۲۰۰ زره امریکايي ډالر پانګونه وکړي.
د کانونو او پټرولیم وزارت له یوه ازبکستاني شرکت سره د جوزجان ولایت د طوطي میدان ګازو د اکتشاف او استخراج تړون لاسلیک کړ او یاد شرکت به په لومړي کال کې ۱۰۰ میلیونه او په لسو کلونو کې یو میلیارد امریکایي ډالر پانګونه وکړي.
