افغان بندیانو

د افغانستان د بهرنیو چارو وزارت سرپرست له خپل پاکستاني سیال څخه غوښتي چې د کوچني اختر له را رسېدو مخکې د دغه هېواد په زندانونو کې پاتې افغان بندیان ازاد کړي؛ بلخوا پاکستاني لوري بیا د بندیانو د خوشي کېدو ډاډ ورکړی دی.

د هېواد لوی څارنوال په کابل کې د ایران له مرستیال سفیر سره په لیدنه کې د افغان بندیانو په خوشي کولو کې د ایران د هڅو هرکلی کړی او په دغه هېواد کې یې د پاتې افغان بندیانو د دوسیو څېړلو د دوام او هېواد ته یې د بېرته راګرځولو غوښتنه کړې ده.

په چین کې د افغانستان سفارت سرپرست د دغه هېواد د ګانسو ولایت په لانجو زندان کې له افغان بندیانو سره لیدلي او له اړوند چینایي چارواکو یې غوښتي چې هلته د افغان زندانیانو ستونزې حل کړي.

د افغانستان د کډوالو او راستنېدونکو چارو وزارت په اسلام‌اباد کې د کډوالو اتشې ته ویلي چې که په پاکستان کې د افغان بندیانو د بند موده پوره وي، خو د نغدي جریمې او یا کرایې نه لرلو له امله بند پاتې وي، سملاسي دې د جریمې پیسې ادا او د ټرانسپورټ زمینه دې ورته برابره کړي.