باران او سېلابونو

د ننګرهار کرنې رياست وايي، د دغه ولايت په ۲۲ ولسواليو کې د تېرو څو ورځو ورښت او سېلابونو پر ۱۶ زره او ۵۲۵ جريب ځمکه ولاړ فصلونه له منځه وړي دي.

ځايي مسوولین وايي چې په بدخشان او لغمان ولایت کې د باران او سېلابونو راتلو له امله خلکو ته ځاني او مالي زیانونه اوښتي دي.

طبیعي پېښو ته د رسېدو په چارو کې د دولت وزارت وايي، تېرو درېیو ورځو کې د افغانستان په لسو ولایتونو کې د بارانونو او سېلابونو راتلو له امله ۲۹ کسان مړه، اووه نور ټپیان او ۷۲ کورونه په نیمه او بشپړ ډول ویجاړ شوي دي.

د راپورونو له مخې، د هند په شمال کې د سخت باران او سېلابونو راوتلو له امله ۲۲ کسان مړه شوي دي.