بغلان

د بغلان د جلګې ولسوالۍ د ۳۰ بستریز روغتون چې له جوړېدو یې اته کاله تېریږي، لا هم نه دی فعال شوی او د دې ولسوالۍ اوسېدونکي له اسلامي امارته د یاد روغتون د فعالولو غوښتنه کوي.

د بغلان امنیه قومانداني وایي، سږ کال دغه ولایت کې پر پنځه زره ۶۲۰ جریبه ځمکه نشه‌یي توکي کرل شوي وو چې په بشپړ ډول له‌ منځه وړل شوي او دغه راز د څه ‌کم څلور زره روږدو درملنه هم شوې ده.

بغلان کې امنیتي سرچینې وایي، د دغه ولایت په جلګې ولسوالۍ کې د دوو کورنیو ترمنځ شخړه کې دوه کسان وژل شوي او دوه نور ټپیان دي.

بغلان کې د کونځلو او زغر غوړیو یو شمېر تولیدوونکي وایي، سږ کال په دغه ولایت کې د زغر او کونځلو حاصلات ډېر وو چې ورسره د دوی د تولیداتو بازار هم ښه شوی دی.

بغلان کې نن د یوه خیریه بنسټ له لوري د ۶۲ جوړو د ډله‌ییز واده مراسم ترسره شول.

د بغلان په خنجان ولسوالۍ کې د ځایي اوسېدونکو له لوري د درې‌نیم میلیون افغانیو په لګښت یو پل او پنځه کیلومتره سړک جوړ او ګټې اخیستنې ته سپارل شوي دي.

د بغلان امنیه قومانداني وایي چې د دغه ولایت په ګذرګاه‌ نور ولسوالۍ کې یوه ځوان د ټوپک په ډزو ځان وژلی دی.

د بغلان د امنیه قومانداني مسوولین وايي، د دغه ولایت دوشي ولسوالۍ کې یې یوه ښځه د پنځوس لېتره شرابو د لېږد په تور نیولې ده.

د ریاست‌الوزراء اقتصادي معاونیت وايي، د پانګونې بین‌الوزارتي کمېټې نوبتي غونډه کې په بغلان ولایت کې د تیرپارک او په مزارشریف ښار کې د یوه سوداګریز مارکېټ جوړولو طرحو ته د تایید نظر ورکړل شو.

په افغانستان کې د اروپايي ټولنې استازولۍ د بغلان په نهرین ولسوالۍ کې پر «عبادت‌کوونکو» برید غندلی او د قربانیانو له کورنیو سره یې خواخوږي څرګنده کړې ده.

د بغلان د امنیه قومانداني مسوولین وایي، وړمه شپه د نهرین ولسوالۍ په یوه خانقا کې پر عبادت‌کوونکو د برید په تور یې پنځه کسان نیولي دي.

د ملګرو ملتونو مرستندوی دفتر (یوناما) د بغلان په نهرین ولسوالۍ کې پر «عبادت‌کوونکو» برید غندلی او ویلي یې دي چې د دې پېښې بشپړه څېړنه دې وشي.