خبریالانو

د خبریالانو پر وړاندې د جرمونو د سزا معافیت پای ته رسولو نړۍوالې ورځې په مناسبت د ملګرو ملتونو عمومي سرمنشي ویلي، په نړۍ کې له خبریالانو سره د «تاوتریخوالي او وژنو ۹۰ سلنه» پېښې بې سزا پاتې کېږي.

د لوګر د اطلاعاتو او فرهنګ رييس وايي، ټولې حکومتي ادارې مسوولیت لري چې له رسنیو او خبریالانو سره پر وخت معلومات شریک کړي.

په کابل کې د افغانستان د ازادو ژورنالیستانو ټولنې او د لوړو زده‌کړو یوې خصوصي موسسې ترمنځ هوکړه‌لیک لاسلیک شو چې له مخې به یې خبریالانو ته د غاښونو درملنې او لابراتواري معایناتو برخو کې له ۷۰ـ۸۰ سلنه پورې تخفیف ورکوي.

د اروزګان د اطلاعاتو او فرهنګ رییس د خپلواکو ژورنالیستانو ټولنې او د خبریالانو د خوندیتوب کمېټې له استازو سره په لیدنه کې ویلي، هیڅوک حق نه لري چې دغه ولایت کې د خبریالانو حقونه تر پښو لاندې کړي.

د اروزګان امنیې قوماندانۍ له رسنیو سره د معلوماتو د پر وخت شریکولو د ټینګار ترڅنګ امنیتي کسانو ته سپارښتنه کړې چې له خبریالانو سره د کار پر مهال همکاري وکړي.

د هلمند د خبریالانو اتحادیې استازو او ځینو خبریالانو د هلمند له والي سره په لیدنه کې خپلې ستونزې شریکې کړې او هغه د حل ډاډ ورکړی دی.

ځینې سرچینې وایي، خوست کې څلور خبریالان نیول شوي، خو د دغه ولایت د اطلاعاتو او فرهنګ رییس وایي، دغه کسان د ځینو مسایلو په اړه د امر بالمعروف ریاست ته دعوت شوي او ژر به خپلو کورونو ته ستانه شي.

د لوګر ولایت په مرکز پل علم کې د مې میاشتې درېيمه (د رسنیو د ازادۍ نړۍواله ورځ) د یوې غونډې په ترڅ کې ونمانځل شوه.

ملګري ملتونه وایي چې په تېره یوه لسیزه کې د نړۍ په کچه نږدې زر خبریالانو د حقایقو موندلو په لټه خپل ژوند له لاسه ورکړی دی.

د بلخ په مرکز مزارشریف ښار کې د ۱۶ میلیون افغانیو په لګښت د خبریالانو په نوم څلورلارې جوړه او ګټې اخیستنې ته وسپارل شوه.

د افغانستان د ازادو خبریالانو ټولنې مشر وایي، د یونسکو مرکزي دفتر سلاکار د خبریالانو بد اقتصادي وضعیت ته د پام پر جلبولو او له هغوی پر ملاتړ ټینګار کړی او ژمنه یې کړې چې د افغانستان د رسنیو او خبریالانو اقتصادي ملاتړ لپاره به عدالت‌غوښتنه کوي.

د بلخ مرکز مزارشریف ښار کې د خبریالانو په نوم څلورلارې جوړېدو چارې له نږدې درې کلن ځنډ وروسته بیا پیل شوې.