خلک

د بادغیس یو شمېر اوسېدونکي د دغه ولایت ولسوالیو ته د برېښنا غځولو په برخه کې د تېر حکومت پر بې‌غوري د نیوکې ترڅنګ، له اسلامي امارته غواړي څو د دې ستونزې حل ته پاملرنه وکړي.

د میدان وردګو روغتيايي سرچینې وايي چې په دغه ولایت کې په تېرو ۲۴ ساعتونو کې ۲۰ کسان چې ډېری ماشومان دي، لېوني سپیانو داړلي دي.

د فراه ګلستان ولسوالۍ یو شمېر خلک وايي، دوی هیڅ پوخ سړک نه لري، او له حکومته غواړي چې د دې ولسوالۍ لار له کندهار- هرات لویې لارې سره – چې ورسره ۶۰ کیلومتړه واټن لري- ونښلوي.

د کندهار نېښ ولسوالۍ یو شمېر اوسېدونکي روغتیايي خدماتو له نه لاسرسي شکایت کوي او وايي، په دې ولسوالۍ کې یوازې یو روغتیايي مرکز دی چې امکانات یې کم دي او ټولو خلکو ته خدمات نه شي وړاندې کولی.

د کورنیو چارو وزارت سرپرست د کابل ولایت له مسوولینو سره په ناسته کې ویلي، په معنویت او اخلاقو باید د خلکو ترمنځ واحد فکر رامنځته شي او د ولس اعتماد ترلاسه کولو په موخه باید کار وشي.

د هلمند ګرمسېر ولسوالۍ د بینادر او صفار سیمو یو شمېر خلک وايي چې روغتيايي خدماتو ته سم لاسرسی نه لري خو روغتیايي مسوولین د هغوی دغه ادعا ردوي او زیاتوي چې د ګرمسېر ټولو سیمو کې روغتيايي مرکزونه شته.

د غزني د ګيرو ولسوالۍ یو شمېر اوسېدونکي وايي چې د تېر او سږ کال سېلابونو د دې ولسوالۍ مربوطاتو کې د غزني مرکز ته د غځېدلې لارې یو پل ویجاړ کړی چې له امله یې خلک او موټرچلوونکي له ستونزو سره مخ دي.

د مزار – حیرتان لویې لارې موټرچلوونکي شکایت کوي چې پر دغې لار وخت ناوخت د بادونو له امله ریګونه ډېرۍ کېږي چې له امله یې په ساعتونو لار بنده وي.

کابل (پژواک، ۲ تله ۱۴۰۲): د افغانستان د ځینو سیمو اوسېدونکي د متخصص ډاکټرانو، روغتیایي مرکزونو او نورو لازمو روغتیایي امکاناتو له کمښته شکایت لري

د کابل – ننګرهار لويه لار چې له تېرې يوې اونۍ راهیسې د غره ښویېدنې له امله د ترافيکو پر مخ تړل شوې، د دې لارې مسافر د دويم لين سړک د پاتې کارونو بېرته پيلېدو غوښتنه کوي.

د نورستان د منډول ولسوالۍ اوسېدونکي وايي، د برېښنا، سړکونو، روغتيايي مرکزونو او نورو برخو کې ستونزې لري، بايد حکومت يې ورته حل کړي.

د غزني د رشیدانو یو شمېر اوسېدونکي وايي، وچکالیو سخت ځپلي، کروندې او باغونه یې د وچېدو له ګواښ سره مخ دي او زیاتوي، حکومت دې د دې ولسوالۍ د یوسفو درې بند چې د داوود خان په وخت کې سروې شوی، جوړ کړي.