خوست

خوست ته له کوزې پښتونخوا د واليبال راغلي يو شمېر لوبغاړي وايي چې د ډيورنډ فرضي کرښې دواړو ولسونو ترمنځ د اړيکو ټينګښت او یووالي په موخه دې د دواړو لورو ځوانانو لپاره د سپورټي لوبو سیالۍ جوړې شي.

خوست کې له نيمه طبي لوړو زده‌کړو يو شمېر نوي فارغ شوي محصلين له حکومته غواړي چې د کار زمینه ورته برابره کړي.

خوست کې د واليبال يو شمېر لوبغاړي وايي چې په دغه ولايت کې د دې لوبې لپاره هيڅ معياري لوبغالی نشته او غوښتنه کوي چې لوبغالي دې ورته جوړ شي.

خوست کې د نجونو یوه لومړني ښوونځي ته شاوخوا ۱۵ کاله مخکې دوه پوړیزه ودانۍ جوړه شوې، خو ښوونځی لا هم زده‌کوونکې نه لري او غیرفعال دی.

د کلیو بیارغونې او پراختیا وزارت وایي چې په خوست کې د څه باندې ۱۱۱ میلیون افغانیو په لګښت د ۸۴ پراختیايي پروژو چارې بشپړې شوې دي.

خوست ولايت ته له پاکستانه وارد شوي څه د پاسه ۴۲ زره بوتله شربت چې کيفيت يې ټيټ ارزول شوی، بېرته ور وګرځول شول.

د واجدالله په نوم یو بېوزلی ځوان چې هره ورځ ښوونځي ته له تلو مخکې به یې تر غرمې پورې په خوست ښار کې لاسي کراچۍ ګرځوله، د سږني کانکور له لارې د طب پوهنځي ته بریالی شوی دی.

د خوست ښاروالۍ له خوا د ۱۸،۵ ميليون افغانيو په لګښت د بيارغونې يوې پروژې چارې پيل شوې.

د خوست په مرکز کې د دوو کورنیو ترمنځ شاوخوا درې کلنه دښمني د قومي مشرانو په هلو ځلو پای ته ورسېده.

خوست کې يوازېنۍ پاتې افغان سېک د دې ترڅنګ چې له حکومته د خپل کاروبار برخه کې د مرستې غوښتنه کوي وايي، په خپل وطن کې خوشحاله دی او بهر ته د تلو هیڅ اراده نه لري.

د خوست په تڼيو ولسوالۍ کې د دوو کورنيو ترمنځ ۳۵ کلنه دښمني هواره شوه او روغه یې وکړه.

خوست ښار کې د ۶۶ ميليون افغانيو په لګښت د بيارغونې څلور پروژې بشپړې او ګټې اخيستنې ته وسپارل شوې او همدا ډول د ۲۱ ميليون افغانيو په لګښت د يوې بلې پروژې چارې پيل شوې.