روغتون

د ننګرهار د عامې روغتيا رياست وايي چې د ملګرو ملتونو د ماشوم ساتنې نړۍوال صندق د دغه ولایت حوزوي روغتون د مور او ماشوم درملنې له څانګې سره د ۷۰ زره ډالرو په ارزښت د روغتيايي تجهیزاتو او وسايلو مرسته وکړه.

هرات کې ځايي مسوولین وايي، عربي متحده اماراتو د دغه ولایت له حوزوي روغتون سره د وینې تصفیه کولو (دیالیز) نهو ماشینونو مرسته وکړه.

د پکتیا په ځاځي اریوب ولسوالۍ کې د یوه سوداګر له لوري د یو میلیون امریکايي ډالرو په لګښت یو روغتون چې وړیا خدمات به په کې وړاندې کېږي، جوړ او پرانیستل شو.

د کورنیو چارو وزارت له نشه‌یي توکو سره د مبارزې مرستیال ملا عبدالحق اخند همکار اروزګان ولایت ته د سفر پر مهال ویلي، ډېر ژر به په ترینکوټ ښار کې د روږدو درملنې ۳۰۰ بستریز روغتون جوړ شي.

د افغاني سرې میاشتې سرپرست په افغانستان کې د اسلامي همکاریو سازمان له سفیر سره په لیدنه کې ویلي چې دغه سازمان دې په افغانستان کې د سوري زړه ناروغانو لپاره د یوه روغتون جوړولو برخه کې مرسته وکړي.

د غزني په جاغوري ولسوالۍ کې د خلکو له خوا د ۱۵۰ زره امریکايي ډالرو په لګښت یوه روغتون ته د ودانۍ جوړولو چارې پيل شوې.

د سوېلي افریقا یو شمېر پانګه‌والو د افغانستان د کانونو سکټور کې پانګونې ته لېوالتیا ښودلې او د روغتیايي برخې متخصصینو یې ویلي چې افغانستان کې معیاري او مجهز روغتون جوړوي.

د خوست د یعقوبیو صبریو یو شمېر اوسېدونکي وايي چې په دې ولسوالۍ کې کلونه مخکې د یوه ۳۰ بستریز روغتون لپاره ودانې جوړ شوې، تر اوسه فعال شوی نه دی خو ځینې برخې یې نړېدلي دي.

د مزارشریف ابو علي سینا بلخي حوزوي روغتون مسوولین وایي چې هره ورځ دغه روغتون ته پر رواني او عصبي ناروغیو اخته شاوخوا ۷۰ کسان مراجعه کوي چې د تېر په پرتله ډېروالی ښیي.

ننګرهار کې د يوه خيريه بنسټ له لوري د تلسيميا ناروغۍ د درملنې ۱۵ بستريز روغتون جوړ شو.

بادغیس کې یو شمېر ناروغ‌لرونکي په ولایتي روغتون کې د بسترونو له کموالي شکایت کوي او وايي، داسې بسترونه هم شته چې ان تر څلورو ناروغان په کې بستري دي.

د اسټرالیا د کرکټ ملي لوبډلې لوبغاړي ګلین مکسوېل روغتیایي وضعیت په یوه کنسرت کې د شرابو څښلو له امله خراب شوی او د دغه هېواد کرکټ بورډ ویلي چې په دې اړه څېړنه کوي.