غصب

کندهار کې امنیتي سرچینې وايي، د دغه ولایت د غورک ولسوالۍ په مربوطاتو کې ۱۰ زره جریبه ځمکه د غاصبینو له منګولو خلاصه او بېرته د حکومت ملکیت شوه.

د کابل ښاروالۍ د فرهنګي او ټولنیزو چارو معین د ریاست‌الوزراء له سیاسي مرستیال سره په لیدنه کې ویلي چې د اسلامي امارت له بیا واکمنېدو راهیسې کابل ښار کې ۴۰ زره غصب شوې ځمکه مسترد شوې ده.

د غضب شوو ځمکو راګرځولو او د غصب مخنیوي کمیسیون وایي چې د دې کمیسیون د کار له پیل راهیسې د څه باندې ۷،۹ میلیون جریب ځمکې سروې شوې او له دې ډلې ۵۸۹ زره ۴۹۹ جریبه غصب شوې ځمکه راګرځول شوې ده.

د غزني ځايي چارواکي وایي، په دغه ولایت کې اوس هم ځیني کسان د لرغونو سیمو او ځمکو د غصب هڅه کوي خو زیاتوي چې د دغه کار مخنیوي برخه کې یې جدي اقدامات کړي او څوک نه پرېږدي ځمکې غصب کړي.

د اروزګان ولایت په چنارتو ولسوالۍ کې پرون شاوخوا ۲۷۰ جریب شخصي ځمکه چې له کلونو راهیسې غصب شوې وه، بېرته خپلو اصلي مالکانو ته يې وسپارل شوه.

په زابل کې د غصب مخنیوي او غصب شوو ځمکو د استرداد کمېسیون وايي، په دغه ولایت کې یې تر دغه مهاله ۱۰۵ زره جریب ځمکه له غصبه خلاصه کړې او دا لړۍ روانه ده.

د پکتيا حکومتي مسوولين وايي چې د دغه ولايت په ځینو سيمو کې ٦٣ زره جريب غصب شوې دولتي ځمكه بېرته راګرځول شوې ده.

په سرپل کې د دولتي ځمکو بېرته راګرځولو کمېټې مسوولین وایي، د تېرې یوې میاشتې په ترڅ کې دغه ولایت کې شاوخوا ۱۰ زره جریب دولتي ځمکه له غاصبینو راګرځول شوې ده.

د ننګرهار ولايت د سينديزې حوزې سرپرست رييس وايي، په دغه ولایت کې د کابل سيند دواړو غاړو ته زرګونه جريب ځمکه غصب شوې چې د راګرځولو لپاره یې پر يوه پلان کار کوي.

لوګر کې د دولتي ځمکو د غصب مخنیوي کمېټه وایي چې په تېرو شپږو میاشتو کې یې ۵۰ زره جریب دولتي ځمکه له غصبه خلاصه کړې ده.

د ننګرهار په روداتو ولسوالۍ کې د جوړېدونکي نړۍوال اسلامي پوهنتون يوه اندازه ځمکه د ځايي اوسېدونکو له خوا غصب شوې او کورونه پرې جوړ شوي دي.

د بغلان حکومتي مسوولین وايي، د پخواني حکومت د ځینو کارکوونکو او زورواکانو له خوا په دغه ولایت کې ۲۷۹زره ۸۴۰ جریب دولتي ځمکه غصب شوې چې د بېرته راګرځولو لپاره یې کار پیل شوی دی.