فاریاب

د فاریاب ځینې اوسېدونکي د خپلو سیمو په ښوونځیو کې د ښوونکو کمښت له امله اندېښمن دي، د دغه ولایت د پوهنې ریاست هم د دې موضوع پخلی کوي او وايي، په دغه ولایت کې ۴۴ داسې ښوونځي شته چې د هر یوه درسي او اداري چارې د یوه یا دوو ښوونکو له لوري پر مخ وړل کېږي.

فاریاب کې د پوهنې ریاست مسوولین وايي، د دغه ولایت په خواجه‌سبزپوش او دولت‌اباد ولسوالیو کې د څه باندې ۴۶ میلیون افغانیو په لګښت د درېیو ښوونځیو د ودانیو جوړولو چارې پیل شوې.

فاریاب کې ځایي سرچینې وایي چې د دغه ولایت په بلچراغ ولسوالۍ کې له یوه ۱۹ کلن ځوانه سر پرې شوی او د پېښې په تړاو د هغه خسر نیول شوی دی.

فاریاب کې د لس میلیون افغانیو په لګښت د اوبو رسولو د یوې لمریزې شبکې د جوړولو چارې بشپړې او هلمند کې د څه باندې ۶،۶ میلیون افغانیو په لګښت د ورته یوې شبکې جوړولو چارې پیل شوې.

د کورنیو چارو وزارت وايي، د فاریاب په بل‌چراغ ولسوالۍ کې په ډېر بي‌رحمانه او ناوړه ډول د یوه ځوان شکنجه کول له هیڅ پلوه د توجیې وړ نه دي او له عاملینو سره به یې جدي او قانوني چلند وشي.

فاریاب کې ځايي سرچینې وايي چې د دغه ولایت د پښتونکوټ ولسوالۍ په دهنده سیمه کې د راکټ یوې سرګلولې چاودنې له امله څلور ماشومان وژل شوي دي.

فاریاب کې سیمه‌ییزې سرچینې وايي چې د دغه ولایت په خواجه‌سبزپوش، خیبر او لولاش ولسوالیو کې په درېیو جلا پېښو کې درې کسان مړه او د دوو ماشومانو په ګډون درې نور ټپیان شوي دي.

فاریاب ولایت کې امنیتي ځواکونو د غزني د امنیه قوماندان زوی او خوریی له تښتوونکو ژغورلي او په تړاو یې نهه کسان نیولي دي.

د فاریاب ځایي سرچینې وایي چې د دغه ولایت په بلچراغ، چهلګزي او قرغان ولسوالیو کې د تېرې شپې سېلابونو له امله د درنو مالي زیانونو اوښتو ترڅنګ ۴۷ کسان مړه، یو شمېر نور ټپیان او یا لادرکه شوي دي.

فاریاب کې ځايي سرچینې وايي چې په دغه ولایت کې د ترافیکي پېښې له امله درې ځوانان مړه شوي دي.

د فاریاب د خانچارباغ ولسوالۍ ځیني اوسېدونکي وايي، هر کال د اقینې له سوداګریز بندر او د دې ولسوالۍ د نورو عایداتي سرچینو له درکه‎ میلیاردونه افغانۍ عواید د دولت خزانې ته ځي، خو د سیمې خلک لومړنیو ښاري خدماتو ته هم لاسرسی نه لري.

د فاریاب ځایي سرچینې وایي چې په دغه ولایت کې د سېلابونو له امله ۱۸ کسان مړه او دوه نور ټپيان شوي او خلکو ته درانه مالي زیانونه اوښتي دي.