فراه

د فراه د عامې روغتيا ریاست وايي، په تېره یوه میاشت کې په دغه ولایت کې ۵۴۰ پر خوارځواکۍ اخته ماشومان په روغتونونو کې بستر شوي دي.

د فراه یو شمېر اوسېدونکي ادعا کوي چې له یوې اونۍ راهيسې په دغه ولایت کې د افغان بېسیم مخابراتي شبکې انټرنټ کار نه کوي.

د فراه د پوهنې ریاست وايي، ټاکل شوې چې د وږي په ۱۵مه په دغه ولایت کې نوی ښوونیز کال پيل شي، خو د ښوونکو د کمښت له امله به ۴۰ ښوونځي تړلي وي.

فراه کې حکومتي مسوولین وايي چې نامعلومو وسله‌والو د دغه ولایت د مرکز اړوند ګنهکان سیمه کې دوو کسانو ته مرګ ژوبله اړولې ده.

د فراه د مرکز اوسېدونکي په داسې حال کې د څښاک پاکو اوبو ته د نه لاسرسي ادعا کوي چې د دغه ولایت د اوبو رسونې شرکت وايي، یوه نه بله ورځ دوی خپلو مشتریانو ته په نوبتي ډول د نلونو له لارې پاکې اوبه رسوي.

د فراه د اطلاعاتو او کلتور ریاست وايي چې تېر ماښام د دغه ولایت په بالابلوک ولسوالۍ کې يوه ځوان خپل ملګری د تومانچې په ډزو ويشتلی او وژلی دی.

د فراه ښار یو شمېر صنعتګر وايي، د پخوا په پرتله يې کارونه ښه شوي دي.

د فراه یو شمېر بڼوال وايي، سږ کال په دغه ولایت کې د انګورو حاصلات ډېر شوي، خو بازار يې خراب دی او دوی ته ګټه نه کوي.

د فراه ولایت مسوولین وايي، په ګلستان ولسوالۍ کې د ډېر ورښت له امله د یوې ښځې په ګډون دوه کسان اوبو وړي او جسدونه یې نادرکه دي.

د فراه ولایتي روغتون مسوولین وايي، د ماشومانو څانګه یې متخصص ډاکټر نه لري او ډېر وخت ناروغان کندهار یا هرات ولایتونو ته لېږي.

د فراه د صنعت او سوداګرۍ امریت وايي، په تېر یوه کال کې د دغه ولایت د عنابو د حاصلاتو له درکه یو میلیارد ۲۵۰ میلیونه افغانۍ ترلاسه شوې دي.

د فراه امنیتي سرچينې وايي چې د دغه ولایت په مرکز کې د «ابرا» موسسې مسوول جسد په خپل کاري دفتر کې موندل شوی دی.