لغمان

مسوولین وایي، د لغمان په مرکز او قرغیو ولسوالۍ کې او د بغلان په دوشي او دهنه‌غوري ولسوالیو کې د یو شمېر پروژو چارې پیل شوې چې شاوخوا ۱۸ میلیونه افغانۍ لګښت به ورباندې وشي.

د لغمان د اقتصاد ریاست مسوولین وايي، په مرکز مهترلام او الیشنګ ولسوالۍ کې یې ۱۸۲ کسانو ته په بېلابېلو برخو کې کوچني کاروبارونه جوړ کړي دي.

د افغانستان د لوړو زده‌کړو وزارت وايي چې د لغمان پوهنتون کې د شاوخوا ۲۰ میلیون افغانیو په لګښت د څلورو بېلابېلو رغنیزو پروژو چارې بشپړې او ګټې اخیستنې ته وسپارل شوې.

د ژمي موسم په را رسېدو سره لغمان کې یو شمېر هغه کورنۍ چې د روان کال په اوږدو کې د طبیعي پېښو له امله زیانمنې شوې او کورونه یې ویجاړ شوي، له حکومت او مرستندویه ادارو د سرپناه جوړېدو غوښتنه کوي.

د لغمان د اطلاعاتو او فرهنګ ریاست مسوولین وایي چې د دغه ولایت په الیشنګ ولسوالۍ کې یو شمېر تاریخي او فرهنګي اثار چې شاوخوا ۳۰۰ کلنه تاریخي مخینه لري، ترلاسه شوي دي.

د لغمان سیمه‌ییز مسوولین وایي، د دغه ولایت په مرکز مهترلام، الینګار، قرغیو او بادپښ ولسوالیو کې له کډوالۍ تازه راستنو شوو ۳۱۰ کورنیو د کورونو جوړولو لړۍ پیل شوه.

د لغمان سیمه‌ییز مسوولین وایي، د دغه ولایت په قرغیو ولسوالۍ کې یې د دیني عالمانو او قومي مشرانو په منځګړيتوب د دوو کورنیو ترمنځ ۴۰ کلنه دښمني حل کړې ده.

د لغمان سیمه‌ییز مسوولین وایي چې د دغه ولایت په الینګار ولسوالي کې د یوه کانال جوړولو چارې پیل شوې چې د اتو میاشتو په موده کې به بشپړې شي.

د لغمان یو شمېر مالداران چې پنیر هم جوړوي وایي، خوښ دي چې د دوی په لاس جوړ شوی پنير د افغانستان په ګډون د نړۍ په نورو هېوادونو کې هم ډېر مینه‌وال لري او خلک یې د ډالۍ په توګه استوي.

د لغمان امنیه قومانداني وایي، نن سهار د کابل ــ جلال‌اباد پر لویه لاره د دغه ولایت د قرغیو ولسوالۍ په محمدعلي کڅ سیمه کې د ترافیکي پېښې له امله یو کس مړ شوی او پنځه نور ټپیان دي.

ستره محکمه وايي، په لغمان ولایت کې یوه مجرم او دوو تورنو کسانو ته په عام محضر کې تعزیري سزا ورکړل شوه.

لغمان کې یو شمېر سوداګرې میرمنې له حکومته غوښتنه کوي چې په دغه ولایت کې دې د ښځو ځانګړي سوداګریز مارکېټ د جوړولو درېدلې چارې بېرته پیل کړي.