مرسته

د لبنان ولسمشر وايي، هوډ لري راتلونکې اونۍ سعودي عربستان ته په خپل سفر کې له دغه هېواده وغواړي چې د لبنان له پوځ سره کلنۍ درې میلیارد ډالري مرسته بېرته پيل کړي.

د هېواد د عامې روغتیا وزارت سرپرست د اسلامي همکاریو سازمان له استازو سره په لیدنه کې د افغانستان د روغتیايي سیسټم د پیاوړتیا لپاره د یاد سازمان د مرستې غوښتنه کړې ده.

سیمه‌ییز مسوولین وایي چې په کاپیسا کې له ۱۱۹۵ کورنیو سره د خوراکي توکو او بغلان کې له ۸۰ کارګرو ماشومانو سره د ژمنیو توکو مرسته وشوه.

افغان چارواکو نن په کابل کې یوه غونډه کې له سرطان ناروغۍ سره د مبارزې پر چټکو هڅو  ټینګار وکړ، ویې ویل چې له راتلونکو درېیو کلونو وروسته به هيڅ افغان اړ نه شي چې د دې ناروغۍ درملنې لپاره نورو هېوادونو ته ولاړ شي.

د لوګر پوهنې ریاست وایي چې د ملګرو ملتونو د ماشومانو ملاتړ صندوق (UNICEF) له لوري د دغه ولایت د ۴۵ زره زده‌کوونکو لپاره د درسي توکو مرسته وشوه.

د کډوالو په چارو کي د ملګرو ملتونو عالي کمېشنرۍ له افغانستان سره د جنوبي کوریا د درې میلیون امریکایي ډالرو مرستې هرکلی کړی او ویلي یې دي چې دغه مرسته به د لسګونه زره زیانمنونکو افغانانو ملاتړ وکړي.

د لغمان سیمه‌ییز مسوولین وایی، د دغه ولایت په مرکز او دوو ولسوالیو کې له ۷۵ اړمنو مېرمنو سره د کورني اقتصاد د پیاوړتیا په موخه د خیاطۍ د وسایلو مرسته وشوه.

د ملګرو ملتونو د بشري مرستو همغږۍ دفتر (اوچا) وايي چې ډنمارک د افغانستان د بشري مرستو له صندوق سره ۲،۸ میلیون امریکايي ډالر مرسته کړې ده.

افغانستان کې د ملګرو ملتونو د خوړو نړۍوال پروګرام وايي چې اروپايي ټولنې له دغه هېواد سره ۱۶ میلیونه او ۵۰۰ زره یورو مرسته کړې ده.

سیمه‌ییز مسوولین وایي چې په هلمند کې له څه باندې ۲۳۰۰ اړمنو کورنیو سره د خوراکي توکو او په میدان‌وردګو کې له زرو کورنیو سره د غوښې مرسته وشوه.

په افغانستان کې د اروپایي ټولنې استازولي وایي، د افغانستان د داخلي بې‌ځایه شوو او پاکستان، ایران او منځنۍ اسیا هېوادونو کې له افغان ګډوالو د ملاتړ په موخه یې د کډوالو په چارو کې د ملګرو ملتونو له عالي کمېشنرۍ سره هوکړه‌لیک لاسلیک کړی دی.

د ملګرو ملتونو د بشري مرستو همغږي‌کوونکی دفتر (اوچا) وایي چې ایټالیا د افغانستان د بشري مرستو له صندوق سره د ۴،۵ میلیون یورو مرسته اعلان کړه.