هلمند

د هلمند د خانشین ولسوالۍ یو شمېر اوسېدونکي شکایت کوي چې دوی له مرکز لښکرګاه سره هیڅ معلوم سړک نه‌لري چې له امله یې په تګ راتګ کې له ستونزو سره مخ دي.

د هلمند سیمه‌ییز مسوولین وايي، د تېرې یوې میاشتې په لړ کې د دغه ولایت د مارجې ولسوالۍ په بېلابېلو سیمو کې له غاصبینو څه باندې درې زره جریب غصب شوې ځمکه راګرځول شوې ده.

د هلمند سیمه‌ییز مسوولین وایې، د دغه ولایت په موسی‌کلا ولسوالۍ کې د یوې ترافیکي پېښې له امله یو ماشوم مړ شوی او د ښځو په ګډون شپږ نور کسان ټپیان دي.

فاریاب کې د لس میلیون افغانیو په لګښت د اوبو رسولو د یوې لمریزې شبکې د جوړولو چارې بشپړې او هلمند کې د څه باندې ۶،۶ میلیون افغانیو په لګښت د ورته یوې شبکې جوړولو چارې پیل شوې.

د هلمند ځایي مسوولین وایي چې د دغه ولایت په ګرشک ولسوالۍ کې یو ۷۰ کلن سړی وژل شوي او زوي یې ټپي دی .

د هلمند ځایي مسوولین وایي، تېره ورځ یو ځوان د هلمند سیند اوبو کې د لامبو پر مهال ډوب او مړ شوی دی.

د هلمند حکومتي مسوولین وايي چې د دغه ولایت په ګرمسېر ولسوالۍ کې یو ځوان د لامبو وهلو پر مهال ډوب او مړ شوی دی.

د هلمند د دېشو ولسوالۍ اوسېدونکي وايي، مرکز لښکرګاه ته هیڅ ډول لار نه لري او غوښتنه کوي چې د خانشین ولسوالۍ پر سیند دې پل ورته جوړ شي.

هلمند کې‌ د روږدو درملنې په سل بستریز روغتون کې د روږدو د درملنې ترڅنګ هغوی ته مسلکي زده‌کړې هم ورکول کېږي.

د هلمند د دېشو ولسوالۍ اوسېدونکي وایي، په دې ولسوالۍ کې هیڅ ښوونځي نه دی جوړ شوی او زیاتوي چې دوی له لسګونو کلونو راهیسې له زده‌کړو محروم پاتې دي.

د هلمند ځایي مسوولین وایي، د دغه ولایت خانشین او دېشو ولسوالیو کې ۵۸۰۰ کورنیو ته د پاکو اوبو رسولو شبکې رغول شوې او د اوبو تصفیې ماشینونه جوړ او فعال شوي دي.

د هلمند ځايي مسوولین وایي، په دغه ولایت کې له تېرو درېیو کلونو راهیسې ۱۰۵ نوې صنعتي فابریکې جوړې شوې او نږدې پنځه زره  کسانو ته په‌کې په مستقیم ډول د کار زمینه برابره شوې ده.