دا راپور واورئ
۰:۰۰ / ۱:۰۰
لښکرګاه (پژواک، ۲۵ چنګاښ ۱۴۰۳): د هلمند ځایي مسوولین وايي، تېره ورځ د دغه ولایت په نادعلي ولسوالۍ کې دوه ماشومان د اوبو لویې ویالې ته له لوېدو وروسته مړه شوي دي.
د هلمند د والي ویاند مولوي محمدقاسم ریاض پژواک خبري اژانس ته وویل، تېره ورځ د دغه ولایت د نادعلي ولسوالۍ په نريپل سیمه کې یو څلور کلن هلک او یوه اووه کلنه نجلۍ د اوبو لویه ویاله کې له لوېدو وروسته مړه شوي دي.
نوموړي زیاته کړه، د نادعلي او مارجې ولسوالیو د امنیتي مسوولینو په هڅو د نجلۍ جسد د نادعلي شنه کلي سیمه کې او د هلک جسد د مارجې ولسوالۍ چور چاراهي سیمه کې موندل شوي او کورنیو ته یې سپارل شوي دي.
