پکتيکا

چارواکي وايي، د پکتيکا په برمل ولسوالۍ کې د راشد خان خيريه بنسټ له لوري د زلزله‌ځپلو لپاره د ۲۵ کورونو د جوړېدو چارې بشپړې شوې او پر شاوخوا ۷۰۰ نورو کورونو کار روان دی چې د ژمي تر را رسېدو مخکې به بشپړ شي.

په پکتيکا کې د کډوالو او را ستنېدونکو چارو وزارت اړوند «د بیامېشتېدنې ولايتي کمېټې» چې په هېواد کې له سیاسي تحول وروسته یې د تخنيکي ستونزو په سبب چارې درېدلې وې، اوس بېرته په فعاليت پیل وکړ.

د افغانستان کرکټ بورډ د کورني کرکټ څانګې له لوري د پکتيکا په مرکز ښرنه کې د ۱۸ لوبډلو ترمنځ د «کورني کرکټ/ انټرکلب» سيالۍ پيل شوې چې شاوخوا یوه مياشت به دوام وکړي.

د پکتيکا په اورګون ولسوالۍ کې هټۍوالو د مستوفيت له لوري د ماليې زیاتوالي په غبرګون کې کاربنديز کړی او وایي، تر هغه هټۍ نه پرانیزي څو د دغې ادارې له خوا مناسبه مالیه نه وي ورته ټاکل شوې.

د پکتيکا په مرکز ښرنه کې د خلکو په ۵۰ ميليونه افغانيو شخصي لګښت يوه ديني مدرسه جوړېږي چې شاوخوا ۵۰۰ نجونو او هلکانو ته به په کې د ديني او عصري زده‌کړو زمينه برابره شي.

د پکتیکا په مرکز او ۱۲ ولسوالیو کې د روغتيا د پرمختګ او ادارې موسسې (او‌ایچ‌پي‌ایم) له لوري د کورنیو ۱۸ روغتیايي ځالې پرانیستل شوې چې د ۲۳ قابلو په مټ به د مور او ماشوم د مړینې کچې کمولو په برخه کې فعالیت کوي.

د پکتيکا د مرکز ښرنې اړوند په سپين‌څک سيمه کې د ډبرو سکرو يوه کان د استخراج چارې پيل شوې چې سلګونه کسانو ته به په کې د کار زمينه برابره شي.

د پکتيکا ولايت د انګور اډې پر دروازه د ۳۴ ميليونه افغانيو په لګښت د کميساري کمپلیکس ودانۍ جوړولو چارې پيل شوې چې په بشپړېدو به یې خلک وکړای شي د پاسپورټ او ویزې په لرلو له دې لارې پاکستان ته تګ راتګ وکړي.

د پکتيکا د ټولګټو چارو رياست وايي، د سرپرست حکومت له واکمنېدو وروسته یې په تېر یوه کال کې د دغه ولایت په مرکز او ولسوالیو کې د ۱۰ میلیونه افغانیو په لګښت د لویو لارو ویجاړ شوي پلونه او تخریب شوي ځایونه رغولي دي.

د پکتيکا چارواکي وایي، د دغه ولايت په يحيی‌خېل ولسوالي کې يوه کس خپل پلار له لفظي شخړې وروسته په چاړه وهلی او وژلی دی.

د پکتيکا د کډوالو او بېرته راستنېدونکو چارو رياست وایي، د دغه ولايت په بېلابېلو ولسواليو کې د سېلابونو له امله شاوخوا ۴۵۰ کورنۍ- چې کورونه یې نړېدلي- له خپلو اصلي مېنو نږدې ځايونو ته بېځايه شوې دي.

د پکتيکا ولايتي چارواکي وايي، په مرکز ښرنه کې د شېخ هبت‌الله اخوندزاده په امر د ‹‹الجهاديه›› په نوم يوې ديني مدرسې فعاليت پيل کړ چې سلګونه زده‌کوونکو ته به په کې د ديني زده‌کړو زمينه برابره شي.