ښوونځي

. . .

د لوګر پوهنې ریاست وایي چې په ۱۴۰۳ ښوونیز کال کې په مرکز او ولسوالیو کې ۱۳ نوي ښوونځي پرانیستل کېږي.

د غزني یو شمېر اوسېدونکي وايي چې د دغه ولایت ځینو سیمو کې لسګونه ښوونځي د تېرو جګړو له امله ویجاړ شوي او اړتیا ده بېرته ورغول شي، بل لور ته مسوولین د یادو ښوونځیو رغولو ډاډ ورکوي.

د کندوز د پوهنې ریاست وایي چې دغه ولایت کې د ۵۱۲ ښوونځيو له ډلې ۱۶۳ یې ودانۍ نه لري.

له ماشومانو د ملګرو ملتونو د ملاتړ صندوق وایي، تېرو ۱۱ میاشتو کې د افغانستان په پنځو ولایتونو کې د دې ادارې په مرسته ۲۲۰ غیرفعال ښوونځي بیا فعال شوي دي.

د فراه په مرکز کې د ۳۵۰ زره امریکايي ډالرو په لګښت یوه ښوونځي ته د ودانۍ جوړولو چارې پیل شوې.

د لوګر ولایت په مرکز پل‌علم کې د یوه کس له لوري د یو میلیون افغانیو په لګښت یوه ښوونځي ته ودانې جوړه شوه.

د اروزګان مرکز ترینکوټ اړوند په بلوڅي سیمه کې د محمدیه په نوم د یوه لومړني ښوونځي زده‌کوونکي د ځای او ودانۍ نه شتون له امله په هدیره کې زده‌کړې کوي.

د لوګر مرکز پل‌علم اړوند د هارون‌خېلو د هلکانو او نجونو لومړني ښوونځي ته د یوه کس له لوري د ۳۵ زره امریکایي ډالرو په لګښت ودانۍ جوړه شوه.

د میدان‌وردګو په جغتو ولسوالۍ کې د یوه سوداګر له لوري د ۵۵ زره امریکايي ډالرو په لګښت یوه ښوونځي ته ودانۍ جوړه او ګټې اخیستنې ته وسپارل شوه.

فاریاب کې ځايي سرچینې وایي چې پرون ماښام د دغه ولایت د ګرزیوان ولسوالۍ یوه ښوونځي کې اورلګېدنه رامنځته شوې او هلته شته اسناد او وسایل سوځېدلي دي.

د غزني د زنخان یو شمېر قومي مشران په دې ولسوالۍ کې زده‌کړو ته د ماشومانو پر نه لاسرسي اندېښنه څرګندوي او له حکومته غواړي چې دې برخې ته پاملرنه وکړي او ښوونځي دې ورته جوړ کړي.