کندهار

کندهار کې ځايي مسوولین وایي، تېره شپه د ارغنداب ولسوالۍ په ګل ‎کلاچه سیمه کې یوه کس خپله مېرمن وژلې او د هغې ورور یې ټپي کړی دی.

کندهار کې د سوداګرۍ او پانګه‌ونې خونې مسوولین وايي، د پاکستان له لوري د افغانستان پر تازه مېوو د تعرفې له لوړېدو وروسته اوس له دغه ولایته پاکستان ته د انارو صادرات کم شوي دي.

کندهار کې د میرویس حوزوي روغتون مسوولین وايي، دغه روغتون ته د تلسمیا پر ناروغۍ اخته زرګونه ناروغان مراجعه کوي خو دغلته دوی دومره امکانات نه لري چې دغو ټولو ناروغانو ته وینه پیدا او ورکړي.

د کندهار ځايي مسوولین وایي، تېره ورځ د دغه ولایت په سپين‌بولدک ولسوالي کې د جان‌محمد په نوم یوه کس د چړې په واسطه د خپلې مېرمنې غاړه پرې کړې او وژلې یې ده.

د ملګرو ملتونو د مرستندوی دفتر (یوناما) مشره کندهار ته په خپل سفر کې ویلي، تېر کال د بېلابېلو ادارو پر مټ ۲۶ میلیون افغانانو ته بشري مرستې رسول ‌شوې او په وینا یې، هڅه کوي په راتلونکي کې د افغانستان لپاره بودجه ډېره کړي.

د کندهار د میرویس حوزوي روغتون مسوولین وایي چې سږ کال په دغه ولایت کې په ماشومانو کې د خوارځواکي او اسهالاتو پېښې ډېرې شوې او زیاتوي چې یوازې د خوارځواکۍ له امله تر دې مهاله ۳۰ ماشومان مړه شوي دي.

کندهار کې سږ کال د انځرو بازار ښه دی، خو بڼوال شکایت کوي چې حاصلات یې د پخوا په پرتله کم‌ شوي؛ ځکه ورښتونه ډېر وشول او انځرو ته یې د «ژړي» په نوم ناروغي پیدا شوې وه.

د اسلامي امارت ویاند وایي، په کندهار ولایت کې دوه نیول شوي سیمه‌ییز خبریالان محمدابراهيم محتاج او محمدیار مجروح خوشې شوي او د هغوی نیول کېدل له رسنیز کار سره تړاو نه درلود.

کندهار کې د اصلاحي غونډې پر مهال د ا.ا چارواکو ویلي، ګرمه او فزیکي جګړه پای ته رسېدلې، خو سړه او فکري جګړه اوس هم روانه ده؛ د اردو منسوبین باید له هغو اسبابو ډډه وکړي چې د ولس د نفرت لامل ګرځي.

سرچینې وايي، د کندهار د غورک ولسوالۍ د صورت خان کارېز په سیمه کې د یوې ښځې مړی موندل شوی دی.

په داسې حال کې چې تېره ورځ له ډیورنډ فرضي کرښې هغې غاړې چمن کې پرلت‌والو خبر ورکړ چې پاکستاني لوري ورته د سپين‌بولدک – چمن پر دروازه له پاسپورټ او ویزې پرته د تګ راتګ اجازه ورکړې، خو لا هم لار د پاکستاني ځواکونو له لوري تړلې ده.

ځايي چارواکي وايي چې نن له غرمې مخکې د کندهار سپين‌بولدک ولسوالۍ په وېش بازار کې د بیټریو او پرزو په یوه مارکېټ کې اور لګېدلی او د اوروژنې ډلو یې د مړ کولو هڅې پیل کړې دي.