ګرځندویانو

کارپوهان وایي چې د ګرځندوی صنعت له غوړېدو سره په بامیان کې سیمه‌ییز اقتصاد وده کړې او سلګونو کسانو ته کارونه پیدا شوي او د دغه صنعت برخه کې د لا ډېرې پانګونې په صورت کې به افغانستان په راتلونکي کې د ګرځندوی پر مرکز بدل شي.

د ایټالیا ونیز ښار کې له یوه هوایي پل څخه د ګرځندویانو د یوه بس غورځېدو له امله لږ تر لږه ۲۱ کسان مړه او ۱۸ نور ټپیان شوي دي.

د هرات اطلاعاتو او فرهنګ ریاست وایي چې لس پولنډي سیلانیان دغه ولایت ته تللي او ټاکل شوې چې د هرات له تاریخي ځایونو لیدنه وکړي.

د اطلاعاتو او کلتور وزارت وايي، د تېرو درېیو میاشتو موده کې له ۱۰۰۰ ډېرو ګرځندویانو له افغانستانه لیدنه کړې چې له دغه درکه د درې میلیون افغانیو عوایدو ټولېدو ترڅنګ، درې زره کسانو ته د کار زمینه هم برابره شوې وه.

په دې وروستيو کې په باميان کې د ګرځندویانو حضور ډېر شوی او يو شمېر یې د امنيتي وضعيت له ښه والي خوښي څرګندوي.