اقتصادي

د عمان د بهرنیو چارو وزیر له امیرخان متقي سره په لیدنه کې ویلي چې هېواد یې غواړي له افغانستان سره سیاسي، اقتصادي او سوداګریزې دوه اړخیزې اړیکې لا پیاوړې کړي.

کابل کې د چین سفیر د کډوالو او راستنېدونکو چارو وزارت سرپرست سره په لیدنه کې ویلي چې هېواد یې چمتو دی څو افغان کډوالو ته د ښارګوټو جوړولو برخه کې مرسته وکړي.

کابل کې د یوه څېړنیز سمینار ګډونوالو وویل چې بهرمېشتي افغان پانګه‌وال دې په هېواد کې پانګونې ته وهڅول شي، د پانګه‌والو د لا خوندیتوب لپاره دې تدایبر ونیول شي، پر افغانۍ د باور کچې لوړولو ته دې کار وشي، کرنه دې میکانیزه او د عشر او زکات لپاره دې تګلاره جوړه شي.

ازبکستاني چارواکو له افغانستان سره د اقتصادي اړیکو پر پراختیا ټینګار کړی او ویلي یې دي چې تاشکند په ټولو اقتصادي برخو کې له کابل سره ګډ کار ته لېوال دی.

د سوریې د انتقالي حکومت رییس احمد شرع سعودي عربستان ته د خپل سفر په ترڅ کې د دغه هېواد له ولیعهد سره د بشري او اقتصادي همکاریو او د راتلونکي لپاره د انرژۍ، ټکنالوجۍ، زده‌کړو او روغتیا برخو کې د پراخو پروګرامونو په اړه خبرې کړې دي.

د اقتصادي کمېسیون د تخنیکي کمېټې نوبتي غونډه کې د منرالونو د اولویت‌بندۍ سند، د ستر مقیاس معدني موادو د پروسس طرحه او د کمال‌خان بند د دویم فاز د امکان سنجۍ په تړاو د ټاکل شوې کمېټې راپور تایید شول.

د بهرنیو چارو وزارت وايي، افغانستان ته د روسیې وروستي پلاوي سفر به د هغه هېواد د ممنوعه ډلو له لېسته د «طالبانو تحریک» نوم لرې کولو او د اسلامي امارت او روسیې ترمنځ د سیاسي اړیکو لا پراختيا ته زمينه برابره کړي.

په چین کې د افغانستان سفیر وایي، اسلامي امارت د اقتصادمحوره پالیسي په درلودو سره دې ته لومړیتوب ورکوي چې تر ټولو مخکې له خپلو ګاونډیو هېوادونو سره په اقتصادي لحاظ له بېلابېلو لارو په تلپاتې توګه وصل شي.

د کانونو او پټرولیم وزارت وایي، د دغه وزارت سرپرست په کابل کې د چین له سفیر سره د دواړو هېوادونو ترمنځ د اقتصادي اړیکو د لا پراختیا، د ګډو همکاریو او د پانګونې د فرصتونو په اړه خبرې کړې دي.

په کابل کې د قزاقستان سفیر وایي چې افغانستان د دوی لپاره یو مهم اقتصادي هدف دی او د دغه هېواد د غنمو لپاره یو ښه بازار او ترانزیټي لار ګڼل کېږي.

د افغانستان د بهرنیو چارو وزارت وایي چې ټاکل شوې په «سن پټرزبورګ» اقتصادي ناسته کې د اسلامي امارت په استازیتوب د کار او ټولنیزو چارو وزارت سرپرست ګډون وکړي.

یو شمېر متقاعدین له اقتصادي ستونزو سر ټکوي، له اسلامي امارته غواړي چې د تقاعد حقوق یې ورکړي؛ ځکه چې دغه پیسې د هغوی له معاشونو ګرځول شوې دي.