امریکا

د نړۍوالې پراختیا مرکز په یوه راپور کې ویلي چې د افغانستان په ګډون نورو اړمنو هېوادونو ته د امریکا متحده ایالتونو د مرستو ځنډېدل ناورین رامنځته کولای شي.

د سعودي عربستان ولیعهد او د امریکا د بهرنیو چارو وزیر په غزه کې د اوربند عملي کېدو او د امریکايي وګړو په ګډون د ټولو یرغمل شوو د خلاصون په اړه پر خپلو ژمنو ټینګار کړی دی.

امریکايي رسنیو راپور ورکړی چې د امریکا په څو ایالتونو کې د سېلابونو او توپان له امله ۱۰ کسانو ژوند له لاسه ورکړی دی.

د راپورونو پر بنسټ، سعودي عربستان په اوکراین کې د جګړې پای ته رسېدو په تړاو د امریکا او روسیې د خبرو کوربه‌توب کوي.

د امریکا د بهرنیو چارو وزیر مارکو روبیو نن د مونیخ امنیتي کنفرانس کې د ګډون په موخه جرمني او بیا له هغه وروسته منځني ختیځ ته سفر کوي.

د هند لومړی وزیر نرېندرا مودي د امریکا له ولسمشر سره د لیدو په موخه واشنګټن ډي‌سي ته رسېدلی دی.

د افغانستان ملي دفاع وزارت، د ازبکستان له لوري امریکا ته د اوو چورلکو د سپارلو په اړه خپرو شوو راپورونو په غبرګون کې ویلي، دغه چورلکې د افغانانو حق دی، امریکا یې دې افغانستان ته د رالېږدولو برخه کې خنډونه نه جوړوي.

د راپورونو له مخې، د مخکني حکومت د ړنګېدو پر مهال، له افغانستانه ازبکستان ته د لېږدول شویو چورلکو له جملې اووه بلک‌هاک چورلکې بېرته امریکا ته سپارل شوې دي.

د راپورونو له مخې، د امریکا ولسمشر پر کاناډا او مکسیکو نوې لګولې تعرفې د ۳۰ ورځو لپاره ځنډولې، خو پر چین لګول شوې تعرفې بيا پر خپل ځای دي.

د افغان سولې لپاره د امریکا مخکنی ځانګړی استازی زلمی خلیل‌زاد وايي، که هېوادونه له امریکا سره د اړیکو د نوي څپرکي پرانیستل غواړي نو دغه بهیر دې د امریکایي زندنیانو په خوشي کولو پیل کړي.

د کاناډا لومړي وزیر ویلي چې د امریکا له لوري د سوداګریزو تعرفو وضع کېدو په صورت کې به دغه هېواد بېړنی او قاطعانه غبرګون وښيي.

د راپورونو له مخې، د امریکا متحده ایالتونو په فیلادلفیا کې یوه وړه الوتکه لوېدلې چې له امله یې څو کورونو اور اخیستی دی.