انټرنېټ

د پنجشېر د درېیو ولسوالیو اوسېدونکي د انټرنېټي خدمتونو له نشتوالي شکایت کوي او وايي، انټرنېټ ته د لاسرسي وړ سیمو ته د رسېدو لپاره باید په ساعتونو ساعتونو پلی مزل وکړي او يا هم موټر ته سلګونه افغانۍ کرايه ورکړي.

د مخابراتو وزارت وایي، د هرې شبکې پېرودونکو ترمنځ د غږیزو اړیکو حد اکثر بیه یوه دقیقه ۱،۸۵ او له یوې مخابراتي شبکې بلې ته یوه دقیقه په ۲،۲ افغانۍ او د یوه جي بي انټرنېټ میاشتنۍ کڅوړې حد اکثر بیه ۱۱۰ افغانۍ وټاکل شوه.

د بادغيس يو شمېر اوسېدونکي په دغه ولايت کې د مخابراتي شبکو پر خدماتو نيوکه کوي، وايي چې د خدماتو د ټيټ کيفيت ترڅنګ د انټرنېټي کڅوړو بيې یې هم ډېره لوړې دي، له حکومته غواړي چې د مخابراتي شرکتونو د خدماتو د لوړو بیو مخه ونیسي.

یو شمېر کابل ښاریان داسې مهال د انټرنېټ له ټیټ کیفیت او لوړې بیې شکایت کوي چې د مخابراتو او معلوماتي ټکنالوژۍ وزارت د خلکو دغې ستونزې ته د رسېدو لپاره د تخنیکي ټیمونو د جوړولو خبر ورکوي.

د مخابراتو او معلوماتي ټکنالوجۍ وزارت د مخابراتي خدمتونو د تنظیم او د زېربناوو په برخه کې له پاکستانه د مرستې غوښتنه کړې ده؛ وایي که پاکستان انټرنېټ په لوړه بیه پلوري، افغانستان اړ دی چې له نورو هېوادونو یې وپېري.