اوسېدونکي

د دایکنډي د میرامور ولسوالۍ یو شمېر اوسېدونکي وايي چې د دې ولسوالۍ په پای اسکان سیمه کې د هلمند پر سیند په خپل شخصي لګښت معیاري پل جوړوي.

د لغمان د بادپښ ولسوالۍ اوسېدونکي وايي، له مرکز مهترلام سره د دې ولسوالۍ نښلېدونکی سړک خراب دی چې له امله یې دوی له ګڼو ستونزو سره مخ دي.

د کونړ د نورګل ولسوالۍ د مزار درې اریت سیمه چې د موټرو د تګ راتګ هیڅ لاره نه لري، اوسېدونکو یې په شخصي لګښت د ۱۲ کیلومتره سړک جوړولو چارې پیل کړې دي.

د هلمند لوېدیځ کې د نادعلي ولسوالۍ یو شمېر هغه اوسېدونکي چې د تېرو جګړو له امله بې‌ځایه شوي وو او اوس بېرته خپلو سیمو ته تللي، وايي، که څه هم اقتصادي ستونزې لري خو دا چې په امن کې ژوند کوي خوشحاله دي.

د دایکنډي یو شمېر اوسېدونکي وایي چې د دغه ولایت پر مواصلاتي لارو تګ راتګ ستونزمن دی او اړتیا ده څو د مسافر وړونکو الوتکو لپاره د هوایي ډګر په جوړېدو سره هوایي مسیرونه برابر شي.

د بدخشان د مرکز فیض‌اباد ځيني اوسېدونکي د اختر په درشل کې د امنیت له ټینګښت خوښ دي خو له حکومته غواړي چې دوی ته د کار زمینه برابره کړي.

د بلخ ولایت چمتال ولسوالۍ د بېلابېلو سيمو يو شمېر اوسېدونکي د څښاک پاکو اوبو ته له نه لاسرسي شکايت لري او د دې ستونزې د حل غوښتنه کوي.

د بادغیس د مرکز قلعه‌نو ښار ځینې اوسېدوني په داسې حال کې په دغه ولایت کې د غوړو او بورې د بیو له لوړېدو شکایت کوي چې د یاد ولایت ښاروالي د لومړنیو توکو د بیو کنټرول لپاره د یوې کمېټې له جوړېدو خبر وکوي.

د دایکنډي د پاتو ولسوالۍ یو شمېر اوسېدونکي وايي، د دې ولسوالۍ زیاتره خلک روغتیایي مرکزونو ته لاسرسی نه لري او تر ټولو نږدې روغتیايي مرکز ته د تلو لپاره باید څو ساعته په موټر کې مزل وکړي.

د فراه عامې روغتیا رییس وايي چې د دغه ولایت د شلو سیمو شاوخوا سل زره اوسېدونکي روغتیايي خدمتونو ته لاسرسی نه لري او له ستونزو سره مخ دي.

د اروزګان د ګیزاب ولسوالۍ د شېرو سیمې یو شمېر اوسېدونکي شکایت کوي چې په سیمه کې یې مخابراتي خدمات نه شته او د یوې اړیکې لپاره اړ دي بلې سیمې ته ساعتونه مزل وکړي.

د فراه ولایت فراه‌رود ولسوالۍ د ګورزنګ سیمې اوسېدونکي وايي چې مخابراتي خدماتو ته د نه لاسرسي له امله له ستونزو سره مخ دي او له حکومته غواړي چې دې ستونزې ته یې رسېدنه وکړي.