اړیکو

د افغانستان د ملي دفاع وزارت سرپرست د هندوستان له یوه پلاوي سره په لیدنه کې د دوه اړخیزو اړیکو د پراختیا، په ځانګړي ډول د بشردوستانه همکاریو په اړه پر ګډې همکارۍ ټینګار وکړ.

پاکستان کې د مالدیف سفیر په اسلام‌اباد کې د اسلامي امارت سفارت له سرپرست سره په لیدنه کې ویلي چې هېواد یې له افغانستان سره د ټینګو او نږدې اړیکو غوښتونکی دی.

د اندونیزیا هېواد یوه پلاوي د ریاست‌الوزراء له اقتصادي مرستیال سره په لیدنه کې ویلي چې دوی به د اندونیزیا حکومت، خلکو او نړۍ ته د افغانستان واقعي وضعیت په ډاګه کړي.

د ایران د مرکزي بانک مرستیال د افغانستان د مالیې وزارت له مرستیال سره لیدنه کې د دواړو هېوادونو ترمنځ د مالي او اقتصادي اړیکو پر لا پراختیا د ټینګار ترڅنګ له افغانستان سره د بانکي سکتور برخه کې د هر ډول همکارۍ ډاډ ورکړی.

د عامې روغتیا وزارت وايي چې د دغه وزارت سرپرست د مالیزیا له پخواني لومړي وزیر سره په لیدنه کې د سوداګرۍ پر پراختیا او له دغه هېواده د افغان ګرځندویانو د لیدنې په اړه خبرې کړې دي.

د بهرنیو چارو وزارت وایي چې د روسیې فدراتیف لوی مفتي او د مسکو د مرکزي جومات مشر امام د دغه وزارت له سرپرست سره په لیدنه کې د افغانستان او روسیې ترمنځ د اړیکو په ښه کېدو کې د مرستې ډاډ ورکړی دی.