خلک

د کډوالۍ نړۍوال سازمان (IOM) په یوه راپور کې ویلي چې تېر ميلادي کال په افغانستان کې له نیم میلیون ډېر خلک د اقلیمي بدلونونو له امله د رامنځته شوو پېښو په پایله کې بې‌ځایه شوي دي.

د پکتيا د شواک ولسوالۍ اړوند د شبک‌خېلو درې اوسېدونکي وايي چې د روغتيا، پوهنې او مخابراتي خدمتونو برخو کې له ګڼو ستونزو سره مخ دي.

د کابل ښار یو شمېر اوسېدونکي د دغه ښار په ځینو ساحو کې له غږیزې ککړتیا شکایت کوي او له اړوندو ادارو غواړي چې مخه یې ونیسي.

د پکتیا یو شمېر خلک وايي چې په دې ساړه ژمي کې د سون‌لرګیو بیې لوړې شوې او دوی یې د پېرلو وس نه لري.

د پکتيکا د شکین ولسوالۍ يو شمېر اوسېدونکي وايي چې د روغتیا، پوهنې، مخابراتو، پاکو او نورو برخو کې له ګڼو ستونزو سره مخ دي.

د بدخشان یو شمېر اوسېدونکي د دغه ولایت د حلقوي سړک او د یو شمېر ولسوالیو مواصلاتي لارو له خرابوالي شکایت کوي او له حکومته غواړي چې د جوړولو لپاره یې اقدام وکړي.

د غزني یو شمېر اوسېدونکي وايي چې په دغه ولایت کې د هوا له سړېدو سره په بازار کې د سون لرګي کم شوي او بیې یې لوړې شوې دي.

سرپل کې مسوولین وايي چې په تېرو لسو میاشتو کې د دغه ولایت خلکو د ښوونځیو او مدرسو جوړېدو برخه کې له معارف سره څه باندې ۱۱ جریب ځمکه او ۱۹ میلیون افغانۍ مرسته کړې ده.

د کونړ او نورستان ولایتونو یو شمېر اوسېدونکي وايي، وروستیو ورښتونو د اسعداباد – پارون لویې لارې ډېرې برخې زیانمنې کړې چې بیارغونې ته جدي اړتیا لري.

د غزني په مالستان ولسوالۍ کې د خلکو په یو میلیون امریکايي ډالرو شخصي لګښت د اوبو د یوه بند جوړولو چارې پيل شوې.

بامیان کې ځايي مسوولین وايي چې د دغه ولایت په ورس ولسوالۍ کې د خلکو په مالي ملاتړ د یوه لومړني ښوونځي د ودانۍ جوړولو چارې پیل شوې.

د بلخ ولایت البرز ولسوالۍ د بېلابېلو کلیو یو شمېر اوسېدونکي د څښاک پاکو اوبو ته له نه لاسرسي شکایت کوي او د دې ستونزې د هواري غوښتونکي دي.