عینک مسو کان

د کانونو او پټرولیم وزارت وایي، د روانې اونۍ په پای کې به په لوګر ولایت کې د عینک مسو کان د استخراج عملي چارې پیل شي.

د اطلاعاتو او فرهنګ وزارت وایي چې د عینک مسو کان د قراردادی شرکت نوي مشر د دغه وزارت د فرهنګ او هنر له معین سره په لیدنه کې ویلي چې د عینک مسو کان د کیندنې پروژه د تاریخي اثارو د خوندیتوب په پام کې نیولو سره پیلېږي.

د اقتصادي کمیسیون له خوا موظفې کمېټې د مس عینک پروژې د ژر پیل د نوې طرحې په اړه له قراردادي شرکت سره خبره کوي او په هېواد کې د مازون نفتو تصفیه‌خونې جوړولو ته پانګوال جذبوي.

لوګر کې چارواکي وایي، د عینک مسو کان ته د غځېدلي ۲۵ کیلومتره سړک پخولو عملي چارې د ام‌سي‌سي چینایي شرکت له لوري پيل شوې.

د لوګر ولایت چارواکي وایي، د چينايي «ام‌سي‌سي» شرکت مسؤولینو ډاډ ورکړی چې د عينک مسو کان ته ۲۵ کېلومټره سړک په پاخه او اساسي توګه جوړوي.

د مس عینک پروژې د قراردادي شرکت اجرائیوي مرستیال د ریاست‌الوزرا له مرستیال ملا عبدالغني برادر سره په لیدنه کې ویلي چې د عینک له سيمې څخه د لرغونو اثارو تر بشپړ لېږد وروسته به په عملي توګه د کان کيندنې چارې پيل کړي.