نندارتون

ټاکل شوې چې د روان کال د غويي په ۲۳مه د صنعت د اونۍ په مناسبت په کابل ښار کې د صنعت نړۍوال نندارتون جوړ شي.

کندهار کې د افغاني غالیو او لاسي صنایعو درې ورځنی نندارتون پرانیستل شوی چې په‌کې د ځینو ولایتونو د غالۍ اوبدلو او لاسي صنایعو یو شمېر شرکتونو خپل تولیدات نندارې ته ایښي دي.

د افغانستان د کرنې، اوبو لګولو او مالدارۍ وزارت د کابل بادام ‌باغ څېړنیز فارم کې «کرنې ته بنسټیزه زمینه برابرول، د افغانستان د ځان بسیاینې زمینه برابروونکی» تر سرلیک لاندې د کرنیزو محصولاتو او کورنیو تولیداتو څلور ورځنی نندارتون جوړ کړ.

د صنعت او سوداګرۍ وزارت وایي چې کابل کې تر پنځو راتلونکو ورځو پورې د افغان ـ قزاق دوه ورځنی نندارتون جوړیږي.

د صنعت او سوداګرۍ وزارت وایي چې د ترکمنستان پلازمېنه عشق‌اباد کې د افغان – ترکمن تجارتي تواصل کنفرانس او د افغانستان د محصولاتو نندارتون پرانیستل شو.

ننګرهار کې د اقليم بدلون د نړۍوال کنفرانس په وياړ د کورنيو توليداتو د بازار موندنې په موخه نندارتون جوړ شو.

د بلخ په مرکز مزارشریف ښار کې د کار نړۍوال سازمان په مرسته د لاسي صنایعو او کورنیو تولیداتو څلور ورځنی نندارتون جوړ شو.

سیمه‌ییز مسوولین وایي، په پکتیا ولایت کې د هنري چارو د لاغوړېدو په موخه نندارتون جوړ شو او په کې بېلابېل هنري اثار نندارې ته وړاندې شول.

د برېښنا شرکت وايي، د افغانستان برېښنا شرکت دوو پروژو د اسیا په کچه د کورنۍ برېښنا پروژو په کلني نندارتون کې نړۍواله جایزه ترلاسه کړه.

د لوګر د اطلاعاتو او فرهنګ ریاست له لوري په مرکز پل‌علم ښار کې د کتابونو یو ورځنی نندارتون جوړ شو چې په کې زرګونه ټوګه کتابونه نندارې ته وړاندې شول.

چارواکو کابل کې د کرنیزو محصولاتو نندارتون د پرانیستې مراسمو کې د کرنې پر میکانیزه کولو او د کورنیو تولیداتو پر دودولو ټینګار وکړ او ژمنه یې وکړه چې په دې برخه کې پانګوالو ته اړینې اسانتیاوې برابروي.

د کرنې، اوبولګونې او مالدارۍ وزارت وایي چې د افغانستان کرنیز او مالدارۍ محصولات د قطر په شپږ میاشتني نړۍ‌وال نندارتون (اکسپو ۲۰۲۳) کې نندارې ته وړاندې کېږي.