ورښتونو او سېلابونو

لغمان کې ځايي مسوولین وایي، د دغه ولایت مرکز او درېیو ولسوالیو کې د تېرې ورځې او شپې ورښتونو او سېلابونو له امله څلورو کسانو ته مرګ‌ژوبله اوښتې، سلګونه جریب کرنیزه ځمکه تخریب شوې او نږدې ۵۰ کورونو زیانمن شوي دي.

حکومتي مسوولین وايي چې وروستیو ورښتونو او سېلابونو په پکتیا او لوګر ولایتونو کې خلکو ته درانې مالي زیانونه اړولي دي.

د اروزګان د پوهنې ریاست مسوولین وایي، د وروستیو ورښتونو له امله د دغه ولایت په مرکز او ولسوالیو کې ۷۰ دیني مدرسې او ښوونځي زیانمن شوي دي.

د هرات سیمه‌ییز مسوولین وايي، له تېرو دوو ورځو راهیسې د دغه ولایت په مرکز او ولسوالیو کې د سختو بارانونو او سېلابونو راوتلو له امله د یوې کورنۍ پنځه غړي مړه شوي، سلګونه څاروي له منځه تللي، زرګونه جریبه کرنیزه ځمکه او سلګونه هستوګنیز کورونه ویجاړ شوي دي.