ښځه

د کبرا محمدي په نوم یوه ښځه چې په بامیان ښار کې یې د غالۍ اوبدنې د یوې کوچنۍ کارګاه په جوړولو سره ۴۰ ښځو ته د کار زمینه برابره کړې، وايي، د ژوند شرایطو اړه کړه څو د یوه داسې کار په لټه کې شي چې له لارې یې د خپلې کورنۍ اقتصادي ملاتړ وکړي.

د ننګرهار امنیه قومانداني وايي چې د دغه ولایت په بټي‌کوټ ولسوالۍ کې يوه کس خپله مېرمن وژلې او دی هم د امنیتي ځواکونو له لوري نیول شوی دی.

کونړ کې امنيتي مسوولین وايي چې تېره ورځ یې د چپې درې ولسوالۍ په درګۍ سیمه کې یې د مشرقې په نوم یوه مېرمن چې د خپل خاوند له لوري له شکنجې وروسته په یوه خونه کې بندي شوې وه، ازاده کړې ده.

د بغلان د امنیه قومانداني مسوولین وايي، د دغه ولایت دوشي ولسوالۍ کې یې یوه ښځه د پنځوس لېتره شرابو د لېږد په تور نیولې ده.

سمنګان کې ځايي مسوولین وايي چې د دغه ولایت په فېروزنخچیر ولسوالۍ کې یوه ښځه له اته میاشتې شکنجې وروسته د خپل خاوند له کورني بنده خوشې شوې ده.

کورنیو چارو وزارت وایي، د کابل ښار څلورمې امنیتي حوزې اړوند سیمه کې یې یوه ښځه د ۴۰ زره امریکایي ډالرو په ارزښت د سره زرو غلا په تور نیولې ده.

د پکتيا عامې روغتيا رياست وايي چې د دغه ولايت په څمکنيو ولسوالۍ کې یوه ښځه د کانګو ناروغۍ له امله مړه شوې ده.

د غزني حکومتي مسوولین وايي چې د دغه ولایت په اندړو ولسوالۍ کې یې یوه ښځه د خپلوانو له لس کلن بنده ژغورلې ده.

فاریاب کې ځايي سرچینې وايي چې د دغه ولایت په دولت‌اباد ولسوالۍ کې یوه ځوانه ښځه د ناپېژندو کسانو له لوري د تفنچې په ډزو وژل شوې ده.

بامیانو کې ځايي مسوولین وايي، یوه ځوانه ښځه چې د دغه ولایت په پنجاب ولسوالۍ کې د خپل پلار له خوا بندي وه، ازاده شوه.‎

پوليس وايي، کابل ښار کې یې هغه مېرمن له بنده ژغورلې چې له تېرو ۲۵ کلونو راهيسې د خپلو وروڼو له خوا په يوه خونه کې بندي ساتل کېده.

تخار کې امنیتي مسوولین وايي چې ناپېژانده وسله‌والو د دغه ولایت په خواجه‌غار ولسوالۍ کې یوه ۶۰ کلنه ښځه وژلې ده.