کابل

نن په کابل ښار کې د تېرو اوو ورځو په پرتله د بورې او تور چای بیې ټیټې خو د غوړیو، پټرولو او اوبلن ګاز بیې لوړې شوې دي.

ستره محکمه وایي، د کابل ولایت د میربچه‌کوټ ولسوالۍ او د نشه‌يي توکو او مسکراتو د مخنيوي لومړنۍ محکمو له خوا ۱۳ مجرمينو ته تعزیري سزا ورکړل شوه.

د کابل په استالف ولسوالۍ کې د اته میلیون امریکایي ډالرو په پانګونه د ممیزو د پروسس یوه کارخونه پرانیستل شوه چې په کلني ډول د لس زره ټنه ممیزو د پروسس وړتیا لري.

په کابل ښار کې د ۱۶۹ میلیون افغانیو په لګښت جوړه شوې د څښاک پاکو اوبو یوه شبکه – چې ۶۲۰۰ کورنۍ تر خپل پوښښ لاندې راولي- ګټې اخیستنې ته وسپارل شوه.

د کډوالو او راستنېدونکو چارو وزارت وایي، د کډوالو په چارو کې د ملګرو ملتونو عالي کمېشنر فیلیپو ګرانډي د افغان کډوالو ستونزو ته د رسېدنې په موخه نن سهار کابل ته را ورسېد.

د شپږیزه کرکټ لیګ لسم پړاو سیالۍ نن د پنځو لوبډلو په ګډون په کابل کې پیل شوې.

په افغانستان کې د ملګرو ملتونو د بشري مېشتېدنې پروګرام (یواېن – هبیتات) په کابل کې د اوبو د کمښت ناورین په اړه د اندېښنې څرګندولو ترڅنګ ويلي چې دې ستونزې ته رسېدنه پراخې پانګونې، هراړخیزې همکارۍ او د عامه پوهاوي لوړېدو  ته اړتیا لري.

د پاکستان د بهرنیو چارو وزارت اعلان کړی چې د دغه هېواد د بهرنیو چارو وزیر او د لومړي وزیر مرستیال نن د یوه لوړپوړي پلاوي په مشرۍ د ټرانس – افغان پروژې(UAP)  د امکان‌سنجۍ مطالعاتو هوکړه‌لیک د لاسلیک په موخه کابل ته راځي.

د افغانستان د بهرنیو چارو وزارت وايي، نن به په کابل کې د اوزبېکستان، پاکستان او افغانستان د بهرنيو چارو وزیران دوه او درې اړخیزې غونډې وکړي او د درېیو واړو هېوادونو ترمنځ د «ټرانس – افغان» لویې پروژې د امکان‌سنجۍ د مطالعاتو پروژه لاسلیک شي.

د افغانستان کرکټ بورډ وایي چې د روانې جولای میاشتې په ۱۹مه په کابل کې د پنځو لوبډلو په ګډون د شپږیزه کرکټ لیګ لسم پړاو سیالۍ پیلېږي.

د افغانستان بانک سبا چهارشنبه (د چنګاښ په ۱۱مه) د داوطلبۍ له لارې ۱۵ میلیونه امریکایي ډالر لیلاموي.

نن په کابل ښار کې د تېرو اوو ورځو په نسبت د قزاقي اوړو، بورې او سرو زرو بیې ټیټې شوې خو د نورو لومړنیو توکو بیو کې بدلون نه دی راغلی.