کروندګرو

اروزګان کې یو شمېر کروندګر وایي، په هېواد کې د نشه‌يي توکو پر کښت له بندیز وروسته یې د انجې کرلو ته مخه کړې او له حکومته غواړي چې محصولاتو ته یې بازار پیدا کړي.

د پکتيا د کرنې رياست مسوولين وايي چې د پاملرنې مؤسسې په همکارۍ يې د دغه ولایت په ټولو ولسواليو کې څه باندې ۶ زره کروندګرو ته د غنمو د اصلاح شوي تخم او کيمیاوي سرې د وېش لړۍ پيل کړې ده.

د هلمند د کرنې ریاست مسوولین وایي، د نړۍوال بانک او د خوړو او کرنې سازمان په مالي مرسته ۱۸ ولسوالیو کې څه باندي ۵۵ زره کروندګرو ته د مسلکي کرنې برخه کې روزنه ورکول کېږي .

دایکنډي کې ځیني کروندګر وايي چې تازه یې په دغه ولایت کې د پستې نیالګیو اېښودل دود شوي او د پستې ونې د دغه ولایت د ډېرو ولسوالیو له اقلیم سره ښه سازګاري لري.

په ننګرهار ولایت کې له څه باندې ۴۰۰ کروندګرو سره د غنمو د اصلاح شوي تخم او په غزني کې له دوه زره یتیمانو او بې‌وزولو زده‌کوونکو سره د ژمنيو توکو مرسته وشوه.

د کرنې، اوبولګولو او مالدارۍ وزارت یو پلاوی هلمند ته تللی څو هلته له کروندګرو څخه اضافه شوي غنم وپېرې.

د ننګرهار د کرنې رياست مسوولين وايي، د ملګرو ملتونو د خوړو او کرنې ادارې په مالي لګښت له ۵۴۰۰ کروندګرو سره د سرې مرسته وشوه.

د ننګرهار کرنې او مالدارۍ رياست وايي، روان کال په دغه ولايت کې د حاصلاتو د ښه‌والي په موخه ۵۰ زره کروندګرو ته اصلاح شوي تخمونه ورکړل شوي دي.

په کابل کې د جاپان سفارت وايي چې هېواد یې له افغان کروندګرو سره د بدیل معیشت برخه کې لس میلیون امریکایي ډالر مرسته کوي.

د هلمند د کرنې ریاست مسوولین وایي، د دغه ولایت په یو شمېر ولسوالیو کې کروندګرو تازه د انجې کرلو ته مخه کړې او زیاتوي چې د انجې ګټه د کوکنارو په نسبت درې برابره ډېره ده.

سیمه‌ییز مسوولین وایي چې په فراه، دایکنډي او بغلان ولایتونو کې د ملګرو ملتونو د خوړو او کرنې نړۍوال سازمان له لوري څه باندې ۲۱ زره کروندګرو ته د غنمو اصلاح شوی تخم او کیمیاوي سره ووېشل شول.

غزني کې د کرنې برخې یو شمېر متخصصینو له کروندګرو غوښتي چې ممپلي، سویابین، شرشم، پنبه، زغر، کنجد، لمرګلی او داسې نورو نباتات وکري څو په دغه ولایت کې د غوړیو تولید ته زمینه برابره شي.