کندهار (پژواک ٢٠ مرغومى ٩٠): د کندهار ولايت په ژېړۍ، پنجوايي او سپين بولدک ولسواليو کې پوليسو د عملياتو پر مهال ١٦٠٠ کيلوګرامه خام چرس نيولي دي.
د کندهار ولايت د مطبوعاتي دفتر مسوول زلمي ايوبي پژواک اژانس ته وويل، چې پوليسو تېره ورځ د سپين بولدک په رباط کلي کې ١٠٠٠ کيلوګرامه خام چرس او په پنجوايي او ژېړۍ ولسواليو کې شپږسوه کيلوګرامه خام چرس نيولي دي.
دى وايي، چې د دغو نيول شويو نشه يي توکو په تړاو څوک نه دي نيول شوي، خو پوليس يې د نيولو په لټه کې دي.
ايوبي دغه راز وويل، چې پوليسو په خاکرېز، ميوند او ژېړۍ ولسواليو کې د يو لړ نورو عملياتو پر مهال يو ماين خښوونکى نيولى او د چاودېدونکو توکو ٥ بوشکې يې هم ترلاسه کړې دي.
بلخوا ايساف ځواکونو هم ويلي، چې په کندهار ولايت کې يې سلګونه کيلوګرامه چرس نيولي دي.
پرون هم ايساف په يوه خبرپاڼه کې ويلي وو، چې په کندهار ولايت کې يې زرګونه کيلوګرامه چرس او د بنګو تخم نيولى دى.
Views: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن