<p style="text-align: justify;">کابل (پژواک، ۱۲ زمری ۱۴۰۳): په اسرائیلو کې لسګونه زره خلکو په هغو لاریونونو کې ګډون کړی چې له خپل حکومته له حماس سره د یوه جوړجاړي منلو غوښتنه کوي، څو نیول شوي اسرائیلیان خوشي کړي.</p>
<p style="text-align: justify;">د بيبيسي د <strong><a href="https://www.bbc.com/pashto/articles/c4gd8g8387lo?fbclid=IwY2xjawFCFZVleHRuA2FlbQIxMQABHe_keG-VHa6aRtl5MHAkBOBqsNhwwRIZtcVwkueOA1sMn0F20vfyvXCJPQ_aem_2LP5xdF0GazR1zBCv_mMZg">راپور</a> </strong>له مخې، دغه لاریونونه له هغه وروسته شوي چې اسرائیلي ځواکونو په غزه کې د هغو شپږ کسانو مړي وموندل چې حماس نیولي وو.</p>
<p style="text-align: justify;">سرچينې لیکلي، په اسرائیلو کې په لسګونه زره خلکو په هغو لویو مظاهرو کې ګډون کړی چې له لارې یې له خپل حکومته له غزې د پاتې یرغمل کسانو خوشي کېدو لپاره له حماس سره د یوه جوړجاړي د منلو غوښتنه کوي.</p>
<p style="text-align: justify;">په یاد هېواد کې یوې ډېرې بانفوذه ټولنې «هیستادروت» د مظاهرو د دغه غورځنګ د ملاتړ لپاره د دوشنبې ورځ د ټوليز کاربنديز غوښتنه هم کړې ده.</p>
<p style="text-align: justify;">راپور کې راغلي، د اسرائیلو سیاسي اپوزېسیون مشر یائیر لاپید هم په هغو کسانو کې شامل دی چې پر حکومت یې د عملي اقدام لپاره د فشار زیاتولو په موخه د اعتصاب ملاتړ اعلان کړی دی.</p>
<p style="text-align: justify;">بل لور ته، د اسرائیلو پلازمېنې ښاروال هم پر اېکس یوه پیغام کې ویلي، تل ابیب ښاروالي به هم له اعتصابکوونکو سره یوځای شي.</p>
